Uyghurlar 2019-yilida omumyüzlük halda chaghan bayrimi ötküzüshke mejburlan'ghan

Muxbirimiz eziz
2019-02-04
Share

Xitay hökümitining Uyghurlargha yürgüzüwatqan basturush heriketlirining yene bir yüzi yéqinda Uyghurlarni xitaylarning en'eniwi bayrimi bolghan chaghan bayrimini ötküzüshke mejburlishida öz eksini tapti. Xitay hökümiti bashqurushidiki "Shinjang géziti", "Tengritagh" tori we "Xitay xewerliri tori" qatarliq axbarat wasitilirining 2-we 3-féwral künliridiki xewerliride bu hal toluq yer aldi.

Xewerlerde körsitilishiche, bu yilliq chaghan bayrimi harpisida qeshqer, xoten, atush, aqsu qatarliq Uyghurlar merkezlik tarqalghan jaylardiki Uyghur ammisi xitayche yosunda kiyinip yanggér ussuli oynash, ejdiha we shir oynitish, xitaylar bilen birlikte juwawa tügüp yéyish arqiliq chaghanni kütüwélishqa teshkillen'gen. Xitay axbaratlirida qeyt qilinishiche, xitay muxbirlar qeshqer we xotenning xilwet yézilirighiche barghan bolup, ular "Hemmila jayda xitayning qizil bayriqi, qizil panuslar, choshqa bashliq neqishlerning qatirigha ésilghanliqini, hemmila öylerge xitayche mesnewi ésilghanliqini körgen."

Xitay axbaratlirida Uyghur déhqanlirining xitaylar özlirimu kiyishtin nomus qilidighan qedimki zamanning kiyimlirini kiygen halda "Bu yilqi chaghan qaltis xasiyetlik waqitta keldi!" dégenliki alahide gewdilendürülgen. D u q ning bayanatchisi dilshat réshit bu heqte pikir bayan qilip, "Uyghurlar özlirining bayramlirini tebriklise ular 'esebiylik' bilen eyiblinidu. Emma xitay hökümitining Uyghurlarni xitayche bayramlarni ötküzüshke mejburlishi ularning assimilyatsiye pa'aliyitini ashkara ijra qilishidin bashqa nerse emes," dédi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet