Yéngisar nahiyesi chaghan harpisida keng kölemlik tazilash herikiti qozghighan

Muxbirimiz erkin
2019-01-31
Élxet
Pikir
Share
Print

Yéngi nahiyesi yéqinda 16 maddiliq uqturush chiqirip, atalmish "Qara guruhlar" we "Rezil küchler" ge qarshi omumiy yüzlük tazilash élip bérish herikiti qozghighan.

Uqturushta qeyt qilinishiche, bu kishiler derhal özini melum qilip, da'irilerning yénik bir terep qilishni qolgha keltürüshi, qachqunlarning a'ile tawabi'ati we dost-yarenlirining ular qayil qilip, özini melum qilishigha türtke bolushi kérek iken. Uqturushta, ularni qanat astigha alghanlarning qattiq jazalinidighanliqi tekitlen'gen.

Mezkur heriketning chaghan harpisida élip bérilishini diqqet qozghimaqta. Közetküchilerning ilgiri sürüshiche, uqturushta bu heriketning "Qara guruhlar" we "Rezil küchler" ge qaritilghanliqi tekitlen'gen bolsimu, lékin uningdiki tazilash nishanining "Qara guruh", "Rezil küchler" bilen köp alaqisi yoq iken. Közetküchiler, nöwette xitayning 3 milyondek gunahsiz Uyghurni yighiwélish lagéri we türmilerde tutup turuwatqanliqi, yéngisar nahiyesining qozghighan bu qétimqi herikiti lagér sirtida qélip qalghan Uyghurlarni basturushqa qaritilghanliqini bildürmekte.

Xitayning 3 milyondek Uyghurni lagérlargha qamap, lagér sirtidiki Uyghurlarni teqib qilishi xelq'ara jem'iyetning qattiq tenqidige uchrighan. Bezi közetküchiler xitayning herikitini "Étnik tazilash" dep eyibligen idi. Yéngisar nahiyelik hökümetning torida élan qilin'ghan uqturushta körsitilishiche, bu qétimqi tazilash herikiti "Milliy bölgünchilik, diniy esebiylik we térrorluq bilen shughullinidighan teshkilatlar hem jemetler, asasi qatlamgha suqunup kirip, uni monopol qiliwalghanlar, yurtdashliq, tughqanchiliq, dindashliq rishtisi boyiche guruh uyushturghanlar, a'ile we diniy tesiridin paydilinip zorawanliq qilghanlar, yer teqsimati, yer ijarige bérish, öy chéqish we qurulush türliride qutratquluq qilghanlar, bölgünchi, diniy esebiy küchlerni qanat astigha alghan ikki yüzlimichi kadirlar", chet'eldiki "Qara guruh we rezil küchler" bilen alaqisi barlar, bashqilarni erz qilishqa qutratqanlar, qanunsiz pul toplighanlar qatarliqlarni nishan qilghan iken.

Toluq bet