Чақилиқ наһийәсидә кәлкүн апити йүз бәргән, әмма өлүм - йетим һадисилири көрүлмигән

Мухбиримиз җүмә
2016.07.10


8 - Июл чақилиқ наһийәсидә ямғур вә кәлкүн апити йүз бәргән, әмма өлүм йетим һадисилири көрүлмигән.

Хитай хәвәрләр ториниң бүгүнки хәвиригә қариғанда, 8 - июл әтигәндә мәзкур наһийә тәвәсидә яғқан қаттиқ ямғур 12 саәт давам қилған. Нәтиҗидә ямғур кәлкүн апитини кәлтүрүп чиқарған.

Бу һәқтики башқа хәвәрләргә қариғанда, кәлкүн наһийә мәркизигә тәсир көрсәтмигән. Наһийәлик еғир саәт райониға йеқин чөллүктә кәлкүн апити бир қәдәр еғир болған.

Сумурғ телевизийәсиниң хәвәр қилишичә, апәттә чақилиқ наһийәси авюән сода чәклик ширкитигә қарашлиқ бир аилиликләр районидин 26 еғиз өй һәр хил дәриҗидә зәхимигә учриған, өлүм - йетим һадисиси көрүлмигән.

Хәвәрләрдә апәт җәрянида наһийә тәвәсидики бир қисим ташйолларниң бузулғанлиқи көрситилгән болсиму, әмма апәтниң тәпсилати һәққидә көп мәлуматлар берилмигән.

Чаршәнбә күни йәкән наһийәсидә тупрақ еқиш вәқәси йүз берип 35 адәм өлгән болуп, хитай ахбарати вәқә һәққидики чәклик учурларни бир күндин кейин андин ахбаратқа ашкарилиған иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.