Chén chüen'go qeshqerni ziyaret qilghanda "Milletlerning tughqanchiliqi" ni téximu chongqurlashturushni telep qilghan

Muxbirimiz erkin
2021-07-16
Share

Uyghur aptonom rayonliq partkomning sékritari chén chüen'go 14-we 15-iyul künliri qeshqerni ziyaret qilip, "Milletlerning tughqanchiliqi" téximu chongqurlashturushni, "Jongxu'a milliti ortaqgewdisi" idiyesini téxmu mustehkemleshni telep qilghan.

U yene shi jinpingning 1-iyuldiki nutuqini estayidil öginip, "Shinjangning muqimliq we tereqqiyat xizmitining emeliy herkitige aylandurush" ni telep qilghan. Shi jinping 1-iyul küni xitay kompartiyesining 100 yilliqini tebrilesh pa'aliyitide nutuq sözlep, gherbke tehdit salghan. U xitayning "Muqeddes wezxanliq" qa yaki chet el küchlirining bozek qilishigha yol qoymaydighanliqini tekitligen idi.

Chén chüen'goning ziyariti amérika kéngesh palatasining "Uyghur mejburiy emgikining aldini élish qanun layihesi" ni maqullighan künige toghra kelgen. Chén chüen'go qeshqerde xeql'ara kishilik hoquq teshkilatliri teripidin "Mejburiy emgek karxaniliri" dep qariliwatqan kiyim-kéchek, köktatchiliq, nawaychiliq baghchilirini közdin kechürgen. Shundaqla "Balilar lagérliri" dep qarilip kelgen barén yézisning yuquriqi barén kentidiki bir yeslini ziyaret qilghan.

Bu xil "Yataqliq mektepler", kishilik hoquq teshkilatliri teripidin xitayning Uyghur balilirini ata-anisidin ayrip, a'ilisi, til we mediniyiti bilen bolghan alaqisini üzüp tashlashni meqsed qilghan "Irqiy qirghinchiliq" herkitining bir qismi, dep eyiblinip kelgen.

"Shinjang géziti" ning xewer qilishiche, chén chüen'go yene "Shinjangni ichkiri ‍ölkilerge téximu keng échiwétish" ni tekitlep, "Milletler ittipaqliqini algha sürüshni téximu choqurlashturush, milletler ittipaq bir a'ile tughqanchiliqi we milletler ittipaqliqi birleshme dostliq pa'ali'etlirini téximu kéngeytish kérek," dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet