Chén chüen'goning siyasiy qanun seperwerlik yighinida qilghan sözi xitayning Uyghur rayonidiki basturush herikitining téximu éghirlishidighanliqini körsetken

Muxbirimiz jewlan
2021-08-18
Share

"Shinjang géziti" ning 17-awghust bergen xewirige qarighanda, Uyghur aptonom rayonida siyasiy-qanun xizmitini yenimu kücheytish üchün 2-türküm siyasiy-qanun qoshunini terbiyelesh we tertipke sélish seperwerlik yighini échilghan.

Uyghur aptonom rayonluq partkomning sékritari chén chüen'go bu yighin'gha qatniship, "Siyasiy hushyarliqni östürüp, qanun-tüzümni ijra qilish salmiqini ashurup, shinjangning jem'iyet muqimliqi we uzaq muddetlik xatirjemlikini emelge ashurush" heqqide söz qilghan. U sözide yene bu meqsetni emelge ashurush üchün "Aldi bilen ademlerni terbiyelesh we özgertish herikitini yaxshi élip bérish, bölgünchilikke, térrorluqqa qet'iy qarshi turush, aptonom rayonning siyasiy qanun qoshunini yene bir qedem kücheytish, siyasiy qanun muhitini yene bir derije yaxshilash kéreklikini" ni bildürgen.

Chén chüen'goning tekitlishiche, siyasiy-qanun qoshunini terbiyelesh we tertipke sélish bir siyasiy mes'uliyet bolup, buninggha Uyghur aptonom rayonluq partkom özi bash bolup, tüzesh we tertipke sélish xizmetlirini ilgiri süridiken. Uyghur aptonom rayonluq partkom siyasiy-qanun komitéti we jaylardiki siyasiy-qanun orunlirining partkomliri asasliq mes'uliyetni üstige alidiken we konkrét xizmetliridin jawab béridiken. Uyghur aptonom rayonluq terbiyelesh we tertipke sélish rehberlik guruppisigha eza orunlar birlikte ijra'at élip baridiken.

Közetküchilerning qarishiche, chén chüen'goning bu yighinda qilghan sözi xitayning Uyghur rayonidiki basturush siyasitining téximu kücheytilidighanliqini körsitidiken. Yene bir jehettin, bu yighinning échilishi taliban küchlirining kabulda öz ghelbisini tebrikligendin kéyinki waqitqa toghra kelgen bolup, xitayning izchil halda taliban bilen hemkarlishish signali berginige qarimay, taliban islam emirlikining qurulushining kelgüside Uyghur rayonida kütülmigen tesir peyda qilishidin ensirewatqanliqinimu körsitidiken. Emma xitayning asasliq gherizi yenila, taliban küchlirini bahane qilip, Uyghurlarni "Esebiylik" we "Térrorluq" bilen baghlap, ularni dawamliq basturush we qirghinchiliq yürgüzüsh iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet