Chén chüen'go "Shinjang uniwérsitéti" oqughuchiliridin shexsi ghayisini partiye bilen birleshtürüshni telep qilghan

Muxbirimiz erkin
2021-10-29
Share

Uyghur aptonom rayonluq partkomning sékrétari chén chüen'go 27-öktebir küni "Shinjang uniwérsitéti" ni közdin kechürgende, oqughuchilarning "Shexsi ghayisini partiye we dölet ishliri bilen birleshtürüshi" ni telep qilghan.

Közetküchilerning qarishiche, chén chüen'goning sözi uning Uyghur élide shexsi xaraktérni yoqitip, "Medeniyet inqilabi" dewridikidek kolléktiwizmliqni terghib qiliwatqanliqini körsitidiken. Chén chüen'go Uyghur aptonom rayonluq partkomning 10-nöwetlik qurultiyi axirliship, aptonom rayonluq partkom da'imiy komitétining tertipke sélinishidin kéyinla "Shinjang uniwérsitéti" ni közdin kechürgen.

Közetküchiler, aptonom rayonluq partkomning yéngi da'imiy komitétining qurulmisi xitayning bezi gherb döletliri teripidin "Irqiy qirghinchiliq", "Insaniyetke qarshi jinayet" dep eyiblinip kéliwatqan "Shinjangdiki herikiti" de özgirish bolmaydighanliqining signali, dep baha bergenidi. Aptonom rayonluq partkomning 10-nöwetlik qurultiyi yépilghan küni dunyadiki 43 dölet b d t da bayanat élan qilip, xitayni musteqil tekshürgüchilerning Uyghur élide tekshürüsh élip bérishigha yol qoyushqa chaqirghan.

"Shinjang géziti" ning xewer qilishiche, chén chüen'go yene aliy mekteplerning "Partiyening yéngi dewrdiki shinjangni bashqurush istiratégiyesini omumi yüzlük izchillashturushi, ijtima'iy muqimliq we uzun muddetlik eminlik berpa qilish nishanida ching turushi" ni telep qilghan. Uning éytishiche, shi jinpingning yéngi dewrdiki xitayche sotsiyalizm idiyesini derslik matériyali, dersxana we oqughuchilarning méngisige kirgüzüsh kérek" iken.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet