Русийидә 1937 - 1938 - йиллардики чоң тазилаш қурбанлири хатириләнди

Мухбиримиз үмидвар
2014-11-02
Share


30 - Өктәбир күни русийәниң көплигән шәһәрлиридә сталинниң 1937 - 1938 - йиллиридики сиясий тазилаш һәрикитиниң қурбанлирини хатириләш паалийәтлири өткүзүлди.

Русийәдики кишилик һоқуқ тәшкилатиниң тор сәһиписидә баян қилинишичә, 30 - өктәбир күни москвадики "сахаров мәркизидә "1937 - 1938 - йиллиридики чоң террор" мавзулуқ көргәзмә өткүзүлгән. Шу күни йәнә москвадики сабиқ н к в д оргининиң 1937 - 1938 - йиллири арисида 20 миңдин артуқ адәм етип өлтүрүлгән бутовский җаза мәйданида "хатирәләш авази" дегән намда "чоң террор"қурбанлирини хатириләш паалийити уюшурулди.

Униңдин башқа йәнә москвадики сабиқ совет иттипақи дөләт бихәтәрлик оргини җайлашқан лубиянка мәйданидики сиясий тәқипбләш қурбанлири үчүн орнитилған хатирә таш алдида хатириләш паалийәтлири өткүзүлгән.

Сахаров мәркизидики сиясий қурбанларни хатириләш фото сүрәтлири көргәзмисини полшалиқ фотограф томоша кизни тәйярлиған болуп, униң топлиған 1937 - 1938 - йиллиридики сиясий тазилашқа аит сүрәтлириниң көргәзмиси йәнә явропа дөләтлиридиму өткүзүлгән.

1937 - 1938 - Йиллиридики сталин һөкүмитиниң чоң тазилаш һәрикити инсанийәт тарихидики әң зор сиясий тәқибләш вә җазалаш һәрикәтлириниң бири болуп, совет иттипақи компартийәси мәркизий комитетиниң буйруқи бойичә, совет иттипақи н к в д ( хәлқ ички ишлар комиссарияти) елип барған мәзкур тазилашта түрмә җазасиға мәһкум қилинған вә етип ташланған һәм әмгәк лагирлирида вә түрмиләрдә өлгәнләрниң сании һәққидә охшимиған мәлуматлар бар.

Роберт конквестниң мәлуматичә, 1937 - 1938 - йиллири 7милйондин 8 милйонғичә адәм қолған елинған болуп, униң ичидә 1 милйодин 1 йерим милйонғичә адәм өлүмгә һөкүм қилинип, етип ташланған. Тәхминән 2 милйон адәм әмгәк билән өзгәртиш лагирлирида өлгән яки етиветилгән.

Тарихчи в.Земсковниң қәйт қилишичә, әң дәһшәтлик тазилаш 1937 - 1938 - йиллири болған болуп, 1милйон 300 миң адәм җазаланған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт