Ghulja qatarliq jaylardiki mekteplerde oqughuchilarning chüshlük dem élish waqti qisqartildi

Yéqinda ghulja shehiridiki birqisim mekteplerde, oqughuchilarning jüme künidiki chüshlük dem élish waqti bir sa'et qisqartilghan. “Uyghurbiz” torining xewer qilishiche, mektep da'iriliri oqughuchilarning jüme küni chüshtiki namazgha bérishining aldini élish üchün, chüshtin kéyinki ders bashlinish waqtini sa'et 12:30 gha ilgiri sürgen.

Oqughuchilarning etigen mektepke kélidighan waqtimu bir sa'et aldigha sürülüp, chüshtin kéyin derstin chüshidighan waqtimu bashqa künlerdikidin bir sa'et burun qilip özgertilgen.

Uyghur aptonom rayon da'iriliri bundin birnechche yil ilgirila oqughuchi - oqughuchi,hökümet xizmetchilirining jüme namizigha bérishini chekligen bolup, bashqa uchurlardin melum bolushiche, Uyghur élidiki herqaysi meschitlerge közetchi qoyulup,meschitke namaz oqushqa kirgenler nazaret qilin'ghan. Jenubiy Uyghur élining qeshqer, atush,xoten qatarliq jayliridiki zor köpchilik mekteplerde jüme künidiki chüshlük dem élish waqtini qisqartish xéli burunla bashlan'ghan. Da'iriler buning oqughuchilarning jüme namizigha bérishining aldini élish üchün ikenligini oqughuchilargha uqturghan.