CIA Йеңи директор намзати вилям җ. Бернс: “хитайға йәниму көп мәбләғ вә адәм күчи арқилиқ тақабил турушимиз керәк”

Америка президенти җов байденниң америка мәркизий ахбарат идариси CIA ға рәһбәрлик қилишқа көрсәткән намзати вилям җ. Бернс хитайға йәниму көп мәбләғ вә адәм күчи арқилиқ тақабил туруш зөрүрлүкини билдүргән.

“ню-йорк вақти гезити” ниң билдүрүшичә, вилям бурнис 24-феврал күни америка дөләт мәҗлисидә ечилған баһалаш йиғиниға қатнашқанда, американиң дөләт хәвпсзлики һәққидә тохталғанда хитайни “дүшмән күч вә америка ситихбарат саһәсиниң әң чоң гйо-сиясий риқабәтчиси,” дәп көрсәткән.

Бурнис әпәнди гуваһлиқ бериш йиғинида америкаға рәқиб болуватқан хитай һөкүмитиниң позитсийәсиниңму интайин қәбиһликини ейтқан.

У мундақ дегән: “мениңчә, хитай билән болған риқабитимиз узун мусапилиқ бир риқабәт. Бу совет иттипақи билән соғуқ мунасивәтләр уруши мәзгилидики риқабәткә охшимайду, чүнки у асаслиқи хәвпсизлик вә идийә җәһәттин елип берилған иди, бирақ бу қетимқиси йоқири пән-техника иқтидариға вә иқтисадий күчкә игә бир дөләт билән болидиған риқабәттур.”

Бурнис әпәнди әгәр вәзипигә тәйинләнгән тәқдирдә өзиниң хитайға қаритилидиған истихбарат һәрикәтлирини күчләндүрдиғанлиқини вәдә қилған. У буниң үчүн техиму көп мәбләғқә вә күчлүк хитай тили сәвийәси болған хадимларға еһтияҗлиқ икәнликини, техникида йеңилиқ яритилиши керәкликини билдүргән.

“ню-йорк вақти гезити” ниң билдүрүшичә, бурнис әпәнди тонулған пишқәдәм депломат болуп, у илгири американиң иорданийәдә вә росийәдә турушлуқ баш әлчиси болған, шундақла америка ташқий ишлар министирлиқиниң алий дәриҗилик хадими болуп хизмәт қилған икән. Шуңа у дөләт мәҗлисидә һәр икки партийә әзалириниң қоллишиға еришкән болуп, униң америка мәркизий ахбарат идарисиниң башлиқлиқ вәзиписигә лайиқ көрүлүп, вәзипигә тәйинлиниши еһтимали юқири икән.