Җорҗ сорос: “хитай иқтисадий бөһранға дуч кәлмәктә!”

Мухбиримиз әзиз
2022-02-01
Share

Америка сода саһәсидә көпкә тонулған иқтисадшунас вә милярдер җорҗ сорос йеқинда станфорд университетида нутуқ сөзләп хитай иқтисадиниң қутқузувалғили болмайдиған иқтисадий кризисқа йүзлиниватқанлиқини тәкитлигән.

CNN Ниң 31-январдики тәпсилий хәвиридә ейтилишичә, җорҗ сорос хитай иқтисадидики әң муһим вә ғол тармақлардин болған өй-мүлүк содисиниң 2021-йилидин башлап “йерилған көпүк” шәклигә өткәнликини вә ши җинпиңниң бу мәсилигә четишлиқ көплигән саһәләрдә тәңла көрүлүватқан мәғлубийәтни оңлап кетиш иқтидари йоқлуқини билдүргән. Униң қаришичә, хитайдики өй-мүлүк содиси пәқәт йәрлик һөкүмәт тармақлириғила пайдилиқ болуп, тапқан-тәргинини бу саһәгә мәбләғ қилип салған шәхсләрниң мәблиғини қайтурувелиши барғансери қийинға чүшмәктикән. Йәнә бир яқтин хитайдики омумлишиватқан назарәт механизми вә хусусийлар игиликини бастуруш сиясити хитай иқтисадини арқиға чекиндүрмәктә икән. У бу һәқтә қилған сөзидә “әмдики гәп һөкүмран гуруһниң бу бөһранни қандақ биряқлиқ қилишида қалди. Хәлқниң һакимийәткә болған ишәнчи тәвринип қалған шараитта һакимийәт бу мәсилини һәл қилишни узаққа созуветиши мумкин” дегән.

Иқтисадшунасларниң тәһлил қилишичә, хитай иқтисадиниң үчтин бири өй-мүлүк тиҗаритигә четишлиқ саһәдә болуп өй-мүлүк саһәсидә көрүлгән киризислар, таҗсиман вирус вабасиниң қайтидин ямриши вә хитай һөкүмитиниң вирусқа қарши қаттиқ қоллуқ контрол чарилири нөвәттики иқтисадий тәрәққиятни зор дәриҗидә астилитивәткән. Хәлқара пул-муамилә фонди 2022-йили хитай иқтисадиниң ешиш сүритини өткән йилидики сәккиз пирсәнтлик өсүштин төт пирсәнткә чүшүп қелиши мумкин, дәп қаримақтикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт