Jorj soros: “Xitay iqtisadiy böhran'gha duch kelmekte!”

Muxbirimiz eziz
2022-02-01
Share

Amérika soda saheside köpke tonulghan iqtisadshunas we milyardér jorj soros yéqinda stanford uniwérsitétida nutuq sözlep xitay iqtisadining qutquzuwalghili bolmaydighan iqtisadiy krizisqa yüzliniwatqanliqini tekitligen.

CNN Ning 31-yanwardiki tepsiliy xewiride éytilishiche, jorj soros xitay iqtisadidiki eng muhim we ghol tarmaqlardin bolghan öy-mülük sodisining 2021-yilidin bashlap “Yérilghan köpük” sheklige ötkenlikini we shi jinpingning bu mesilige chétishliq köpligen sahelerde tengla körülüwatqan meghlubiyetni onglap kétish iqtidari yoqluqini bildürgen. Uning qarishiche, xitaydiki öy-mülük sodisi peqet yerlik hökümet tarmaqlirighila paydiliq bolup, tapqan-terginini bu sahege meblegh qilip salghan shexslerning meblighini qayturuwélishi barghanséri qiyin'gha chüshmektiken. Yene bir yaqtin xitaydiki omumlishiwatqan nazaret méxanizmi we xususiylar igilikini basturush siyasiti xitay iqtisadini arqigha chékindürmekte iken. U bu heqte qilghan sözide “Emdiki gep hökümran guruhning bu böhranni qandaq biryaqliq qilishida qaldi. Xelqning hakimiyetke bolghan ishenchi tewrinip qalghan shara'itta hakimiyet bu mesilini hel qilishni uzaqqa sozuwétishi mumkin” dégen.

Iqtisadshunaslarning tehlil qilishiche, xitay iqtisadining üchtin biri öy-mülük tijaritige chétishliq sahede bolup öy-mülük saheside körülgen kirizislar, tajsiman wirus wabasining qaytidin yamrishi we xitay hökümitining wirusqa qarshi qattiq qolluq kontrol chariliri nöwettiki iqtisadiy tereqqiyatni zor derijide astilitiwetken. Xelq'ara pul-mu'amile fondi 2022-yili xitay iqtisadining éshish sür'itini ötken yilidiki sekkiz pirsentlik ösüshtin töt pirsentke chüshüp qélishi mumkin, dep qarimaqtiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet