Ислам дөлитиниң сүрийәдики бир юқири дәриҗилик рәһбирини өлтүрүлгән

Мухбиримиз җүмә
2016-03-26
Share


Америка ислам дөлитиниң сүрийәдики бир юқири дәриҗилик рәһбирини өлтүргән. Америка дөләт мудапиә министири аштон картерниң җүмә күни билдүрүшичә, бу, "даиш" рәһбири америкиниң ислам дөлити террорчилириға қаратқан нишанлиқ зәрбә бериш һәрикити җәрянида өлтүрүлгән.

Униң ашкарилишичә, бу нөвәтлик һуҗумда ислам дөлити йәни "даиш" ниң малийә министири абдулраһман мустафа әл қадули йоқитилған.

Өткән һәптә америка даирилири "даиш" ниң уруш министири өмәр әл шшанини өлтүрүлгәнликини билдүргән иди.

Бу һәқтә тохталған картер мундақ деди: "биз ‹ирақ вә шам ислам дөлити' ниң кабинет әзалирини системилиқ һалда йоқитиватимиз. Рәһбәрлик гурупписиға зәрбә бериш бәк зөрүр."

У, буларниң йәнила йетәрсизликни, әмма шундақтиму уларниң рәһбәрлиригә қаритилған нишанлиқ зәр беришни изчил давам қилидиғанлиқини билдүрди.

Картерниң ейтишичә, бу нөвәт өлтүрүлгән "даиш" ниң малийә министири чәтәлләрдә елип берилидиған террорлуқ һуҗумлирини мәбләғ билән тәминләш вә пиланлаш ишлириға мәсул икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт