Islam dölitining süriyediki bir yuqiri derijilik rehbirini öltürülgen

Muxbirimiz jüme
2016-03-26
Share


Amérika islam dölitining süriyediki bir yuqiri derijilik rehbirini öltürgen. Amérika dölet mudapi'e ministiri ashton kartérning jüme küni bildürüshiche, bu, "Da'ish" rehbiri amérikining islam döliti térrorchilirigha qaratqan nishanliq zerbe bérish herikiti jeryanida öltürülgen.

Uning ashkarilishiche, bu nöwetlik hujumda islam döliti yeni "Da'ish" ning maliye ministiri abdulrahman mustafa el qaduli yoqitilghan.

Ötken hepte amérika da'iriliri "Da'ish" ning urush ministiri ömer el shshanini öltürülgenlikini bildürgen idi.

Bu heqte toxtalghan kartér mundaq dédi: "Biz 'iraq we sham islam döliti' ning kabinét ezalirini sistémiliq halda yoqitiwatimiz. Rehberlik guruppisigha zerbe bérish bek zörür."

U, bularning yenila yétersizlikni, emma shundaqtimu ularning rehberlirige qaritilghan nishanliq zer bérishni izchil dawam qilidighanliqini bildürdi.

Kartérning éytishiche, bu nöwet öltürülgen "Da'ish" ning maliye ministiri chet'ellerde élip bérilidighan térrorluq hujumlirini meblegh bilen teminlesh we pilanlash ishlirigha mes'ul iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet