Prézidént baydén da'ishning xurasan guruhini agahlandurghan we ularni "Bosh qoyuwetmeydighanliqi" ni tekitligen

Muxbirimiz erkin
2021-08-27
Share

Amérika prézidénti jow baydén 26-awghust nutuq sözlep, afghanistanning kabul ayrodromida yüz bergen térorliq hujumning jawabkarlirini bosh qoyuwetmeydighanliqini we ulargha bedel tölitidighanliqini jakarlidi. Baydénning éytishiche, u amérika dölet mudapiye ministirliqigha buyruq chüshürgen bolup, nöwette amérika herbiy terep "Da'ishning rehberliri, ademliri we eslihelirige herbi heriket qollinish pilani tüzmekte" iken.

Melum bolushiche, 26-awghust afghanistanda yüz bergen ‍özini qoshup partlitish xaraktérlik térorluq hujumida 13 neper amérika eskirini öz ichige alghan yüzdin artuq adem ‍ölgen, yüzdin artuq adem yarilan'ghan. Térorluq hujumigha da'ishning xurasan guruhi mes'ul ikenlikini élan qilghan. Prézidént baydén sözide "Biz térorchilardin qorqup qalmaymiz, biz ularning wezipimizni ada qilishimizgha tosqunliq qilishigha hergiz yol qoymaymiz," dégen.

U yene mundaq dégen: "Biz silerni epu qilmaymiz, biz untup qalmaymiz. Biz silerni izdep tapimiz hem bedel tölitimiz." prézidént baydénning éytishiche, amérika ‍özining ‍afghanistandiki qutquzush herkitini 31-awghustqiche dawamlashturidiken. Aqsarayning 26-awghust bildürüshiche, talibanlar afghanistanda hakimiyetni tartiwalghandin buyan amérika terep 100 mingdin artuq ademni afghanistandin yötkep bolghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet