Xitay da'irilirining ikki ölkide dalay lamaning resimini ésishqa yol qoyghanliqi xewer qilinmaqta


2013-06-27
Share

Istansimiz tibet bölümining xewer qilishiche, mezkur qarar resmiy hüjjet arqiliq sinaq teriqiside shu jaylardiki butxanilargha tarqitilghan bolup, uningda dalay lamani siyasiy bir dahiy emes, belki diniy dahiy süpitide yad étishke bolidighanliqi tilgha élin'ghan iken. Rayondiki melum bir ahalining muxbirgha éytip bérishiche, da'iriler ammigha dalay lamaning resimining ochuq - ashkara ésilishigha yol qoyulidighanliqini, emma dalay lama heqqide munazire qilishqa bolmaydighanliqini uqturghan.

Gerche, yuqiridiki xewer téxi xitay resmiy da'iriliri teripidin delillenmigen bolsimu, emma rayon'gha sayahetke barghan kishilermu dalay lamaning resimlirini körgenlikini inkas qilishqan.

Bezi tibetlik közetküchiler buni yéngi rehber shi jinpingning tibetlerge ilgirikige oxshimaydighan bir siyaset qollinishni oylishiwatqanliqining signali bolushi mumkin, dep qarighan. Emma yene bezi közetküchiler xitay da'irilirining téxi yéqindila tibette teqip qilishni kücheytidighan yéngi séstimilarni orunlashturghanliqini eskertken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet