Хитай һөкүмити, далай ламаниң орниға из басар көрсәтмәйдиғанлиқиға наразилиқ билдүрди
Тибәт роһаний даһийси далай лама йеқинда өзиниң әң ахириқи далай лама икәнликини, өзигә орун басар көрсәтмәйдиғанлиқини җакарлиғандин кейин, хитай ташқи ишлар министирлиқи дәрһал баянат берип, далай ламани диний әқидиләргә хилаплиқ қилиш билән әйиблиди.
Чаршәнбә күни хитай ташқи ишлар министирлиқиниң баянатчиси хуа чүнйиң қилған сөзидә, 14 - далай ламаниң бундақ қилишида йошурун мәқсити барлиқини ейтқан вә хитай һөкүмитиниң далай ламаниң орниға из басар қоюш түзүмини қоғдайдиғанлиқини ейтқан. Бирақ, тибәтләр болса хитай һөкүмитиниң далай ламаниң орун басарини өзлири бекитиш арқилиқ тибәтләр арисида бөлүнүш пәйда қилишни вә бу арқилиқ тибәтни илгириләп контрол қилишни мәқсәт қиливатқанлиқиға ишинидикән.
Далай лама йеқинда германийә ахбаратиға сөз қилғанда "тибәт буддизми пәқәт бирла индивидуал шәхскә тайинип қалса болмайду. Шуңлашқа биз әмди 5 әсирдин буян давамлишип кәлгән далай ламалиқ диний әнәнимизни ахирилаштурушимиз керәк" дегән иди. Мустәқиллиқ гезити далай ламаниң бу арқилиқ хитай һөкүмитиниң тибәтләрни техиму игириләп контрол қилишиниң алдини елишниң йолини издәватқанлиқини мулаһизә қилған.
- Лагерда вәзипә өтигән сақчи нурмәмәт йүсүпниң өзини өлтүрүвалғанлиқи ашкариланди
- Доктурант фирқәт юнус: мениң бу нәтиҗилирим биздин бурунқиларниң мувәппәқийәтлиригә селиштурғанда һечнемә әмәс!
- Анализчилар әркин туниязниң уйғур аптоном райониға мувәққәт рәисликкә қоюлушидики арқа көрүнүш һәққидә тохталди
- Өркәш дөләт: "хитай һөкүмити уйғурларни бойсундуралмиғанлиқи үчүн ирқий қирғинчилиқ йүргүзүватиду"
- Һидайәтулла оғузхан: "дуня җамаитини шәрқий түркистан хәлқиниң мәвҗутлуқ күришини қоллашқа чақиримиз"
