Daniye yashan'ghanlar kütünüsh fondi Uyghurlargha qiliniwatqan zulumni nezerde tutup xitay meblighidin waz kechken

Muxbirimiz irade
2020-09-24
Share

Daniyening Akademiker Pension namliq kütünüsh fondi xitayning kishilik hoquqqa qiliwatqan depsendichiliki sewebidin xitay salghan mebleghni chiqiriwétidighanliqini jakarlighan. Bu dégenlik hökümet zayomi we pay chékining jem'iy 400 milyon daniye kroni yeni (53.7 Milyon yawro) töwenligenlikidin dérek béridiken.

Yawropadiki IPE namliq iqtisad xewerliri gézitining bildürüshiche, fond bu heqtiki bayanatida özlirining xitayning meblighini almasliqni qarar qilishigha "Xitayning xongkong üchün chiqarghan bixeterlik qanuni, bir milyondin artuq Uyghurning qayta terbiyelesh lagérlirigha qamilishi, xitayning da'im ölüm jazasi ijra qilishi we az sanliq milletlerge we siyasiy öktichilerge ziyankeshlik qilishi" dek amillarning seweb bolghanliqini éytqan.

"Akademiker Pension" ning bash ijra'iye emeldari jéns munch xolst: "Biz xitayni uzundin buyan közitip kéliwatimiz. Hemmige ayanki, bu dölet kishilik hoquqni sistémiliq halda depsende qilidu. Biz emdi buninggha qarap turalmaymiz" dégen.

U yene fond ezalirining yaxshi we rahet bir pénsiye hayati sürüshidek ijtima'iy mes'uliyet üstige qurulghan bir fondning xitaydek mes'uliyetsiz hakimiyetning meblighini élishining toghra bolmaydighanliqini éytqan.

Téxi yéqinda yeni 19-séntebir küni, xélsinki komitéti, raftu fondi jem'iyiti, norwégiye qelemkeshler jem'iyiti, norwégiye Uyghur komitéti, Uyghur kishilik hoquq qurulushi we dunya Uyghur qurultiyi qatarliq 7 teshkilatning chaqiriq qilishi bilen norwégiye hökümiti néfit fondi xeykang digital we daxu'a téxnologiye shirketlirige salghan bir milyard 200 milyon kironluq meblighini qayturup alghanliqini jakarlighanidi.

Yuqiridiki teshkilatlar norwégiye hökümitining qararini qizghin qarshi alghan. Norwégiye Uyghur komitéti bu heqtiki bayanatida "Biz bu netijini sherqiy türkistanda ézilgen kishilerning ghelibisi dep qaraymiz. Shuning bilen bir waqitta xitay hökümitining zulumigha ortaq bolghan bashqa shirketlerningmu oxshash aqiwetke qaldurulushini ümid qilimiz" dégen.

Dunya Uyghur qurultiyi re'isi dolqun eysamu yuqiridiki qararni qarshi élish bilen birge, bashqa meblegh salghuchi shirketler we alaqidar orunlarnimu mushuninggha oxshash prinsipal heriket qollinishqa chaqirdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet