Amérika palata ezaliri aqsaraydin déngiz mehsulatliri teminlesh zenjiridiki Uyghur mejburiy emgikini hel qilishni telep qilghan

Washin'gtondin muxbirimiz erkin teyyarlidi
2024.02.23

Amérika dölet mejlisining jumhuriyetchi we démokratlardin teshkil tapqan on nechche palata ezasi baydén hökümitige mektup yézip, dunya soda teshkilatining muzakiriliridin burun déngiz mehsulatliri teminlesh zenjiridiki Uyghur mejburiy emgikini hel qilishni telep qilghan. Washin'gtondiki “Töpilik” gézitining xewer qilishiche, palata ezasi jimi panétta bilen mishil stélning bashchiliqida yollan'ghan bu mektupta, ilgiriki jazalashlarning “Uyghur we bashqa étnik, diniy guruppilargha qaritilghan mewjut irqiy qirghinchiliq we insaniyetke qarshi jinayetler” ni dawamlashturuwatqan shirketlerge qaritilghanliqi, biraq xitay déngiz mehsulatliri sana'itiningmu mejburiy emgekni éniq menbe qiliwatqanliqi tekitlen'gen. Mektupta qeyt qilinishiche, amérikadiki “Okyan layihesi” teshkilatining yéqinda élan qilghan bu heqtiki doklati xitay déngiz mehsulatliri sana'itidiki mejburiy emgekke diqqet bérishni zörür qilmaqtiken.

Xewerlerde, amérikaning 12 palata ezasi imza qoyghan bu mektupning tashqi ishlar ministiri bilinkén, amérika soda wekili katérin tey hem amérika chégra qoghdash we tamozhna komissari troy millérgha yézilghanliqi qeyt qilinmaqta. Mektupta, dunya soda teshkilatining kéler hepte ötküzülidighan ministirlar yighinidin burun, xitay déngiz mehsulatliri teminlesh zenjiridiki mejburiy emgekni muzakire qilip we chare qollinish telep qilin'ghan. Mektupta mundaq déyilgen: “Aldimizdiki delillerni közde tutqanda, bizning déngiz-okyan mehsulatlirini pishshiqlap ishlesh sahesidiki mejburiy emgekke da'ir bayanlarni tekshürüsh, bolupmu eger bular xitay kompartiyesining Uyghurlarni bash egdürüsh urunushining bir parchisi bolghan bolsa, bizning bularni choqum tekshürüsh wezipimiz bar. ”

Yéqinda amérikadiki “Okyan layihesi teshkilati” doklat élan qilip, shendung qatarliq xitay ölkiliridiki bezi déngiz mehsulatliri shirketlirining Uyghur mejburiy emgek küchlirini ishletkenliki, bu shirketlerning déngiz mehsulatlirini amérikagha éksport qilidighanliqigha da'ir delillerni ashkarilighan. Bu doklat amérika palata ezalirining alahide diqqitini qozghighanidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.