Xoten xan'ériqtiki qember damollam 9 yilliq qamaq jazasigha höküm qilin'ghan

Ijtima'iy taratqularda xoten xan'ériq yézisidiki meschitning ilgiriki xatipi, 60 yashliq qember damollamgha 9 yilliq qamaq jazasi höküm qilin'ghanliqi heqqide xewer tarqaldi.

Chet'ellerdiki ijtima'iy taratqulardin shiwétsiyediki sherqiy türkistan xewer agéntliqining xewiride déyilishiche, 90-yillarning otturiliridin bashlap xoten teweside özining diniy bilimi bilen xelq arisida hörmet tapqan qember damolla qatarliq 17 Uyghur üstidin 21-mart küni xoten xan'ériq ottura mektipide ochuq sot échilghan. Sotta qember damollamgha “Hökümetning diniy ashqunluqqa qarshi xizmitige qarshiliq körsetken” dégen jinayet artilip 9 yilliq qamaq jazasigha höküm qilin'ghan.

Xewerdin melum bolushiche, qember damolla 1994-yili oquwatqan mezgilide “Musulman bolmaq tes” namliq shé'irni yézip, ün'alghugha élip tarqatqanliqi üchün, eyni chaghda 15kün toxtitip qoyulghan. U 2002-yili xitay da'iriliri teripidin sezgür shexs dep qarilip, xoten xan'ériq yézisidiki meschitning xatipliq wezipisidin qaldurulghan. Yéqinqi birqanche yildin buyan xotende yüz bergen “Xan'ériq weqesi” qatarliq xitay hökümitige qarshi heriketliride, nahiyilik hökümet da'iriliri qember damollamni léksiye sözlep, bu heriketlerni “Diniy ashqunluq bilen eyiblesh”ni telep qilghanda, qember damollam ret qilghan.