Qaraqash nahiyiside meschit derwazisining témidiki neqishler “Ruxsetsiz yasalghan” dep suwiwétilgen

Yéqinda xotenning qaraqash nahiyiside bir meschitning témigha oyulghan neqishler “Ruxsetsiz yasalghan” dégen seweb bilen suwiwétilgen. Uyghurbiz torining xewer qilishiche, mezkur nahiyidiki bu meschit derwazisi yéqinda rémont qilinip, ottura asiya binakarliq sen'iti boyiche körkem qilip neqishlen'gen.

Shu qatarda meschit derwazisining ong teripidiki tam we tüwrükler rémont qilinip, neqish oyulghan. Lékin yerlik da'iriler derwazini rémont qilishqa ruxset qilin'ghanliqi, derwazining ong teripidiki 12 métirliq tam we tüwrüklerning “Ruxsetsiz”rémont qilin'ghanliqini ilgiri sürüp, tam we tüwrüktiki neqishlerni lay bilen suwiwetken. Mezkur nahiyide yene, meschitlerning qubbisidiki ay yultuzlar pütünley élip tashlan'ghan.

Uyghurbiz torining xewiride, yerlik da'iriler ay yultuzni bölgünchilikning simwoli dep qarap élip tashlighanliqini ilgiri sürgen. Xitay hökümiti Uyghur élide meschit qatarliq musulmanlarning diniy ibadet orunlirini qattiq kontrol qilip keldi. Yéngi meschitlerni sélishni cheklepla qalmay, kona meschitlerni rémont qilishqimu cheklime qoyup kelgen. Xelq'ara diniy erkinlik organliri xitayni agahlandurup, uning bu siyasiti téximu qattiq qarshiliqlarni keltürüp chiqiridighanliqini bildürgen.