Америка дөләт мәҗлисиниң хитай ишлири комитети хитайға қарши "олимпик мәһбуслири" намлиқ һәрикәт башлиди

Мухбиримиз әркин
2021-12-03
Share

Америка дөләт мәҗлисиниң хитай ишлири комитети 2-декабир күни иҗтимаий таратқуларда хитайға қарши "олимпик мәһбуслири" намлиқ һәрикәт башлиған. Мәлум болушичә, бу һәрикәт бейҗиң қишлиқ олимпик мусабиқиси һарписида хитайдики сиясий мәһбусларниң әһвалини ашкарилаш, уларниң қоюп берилишини қолға кәлтүрүшни мәқсәт қилғаникән. Бу һәрикәт хәлқарада хитайниң уйғурларға "ирқий қирғинчилиқ" қилиши сәвәблик бейҗиң қилиқ олимпикини байқут қилиш чуқанлири күчийиватқан, бәзи дөләтләр дипломатик байқут елан қилған бир вақитта башланған.

Мәзкур комитетиниң баянатида қәйт қилинишичә, улар твиттер вә инстеграм арқилиқ тунҗи түркүмдә түрмидики журналистларниң тизимликини елан қилған. Баянатта, кейинрәк түрмидики уйғурлар, тибәтләр, христианлар вә фалунгоңчиларни ‍өз ичигә алған 1500 дин артуқ делони елан қилидиғанлиқини билдүргән. Шу мунасивәт билән 2-декабир күни хитай ишлири комитетиниң қош рәислиридин авам палата әзаси җеймис микговерин билән кеңәш палата әзаси җеф мерклей сөз қилип, кишиләрни бу һәрикәткә қатнишишқа чақирған.

Улар мундақ дегән: "хитай һөкүмити олимпикни булғиди. Шуни унтуп қалмаслиқимиз керәк, бу җәлпкарлиқниң арқисидики киши пәқәт бир шәхс. Бизниң тиришчанлиқимиз зеһнимизни бу шәкилвазлиққа мәркәзләштүрүш әмәс, бәлки олимпикни тәбриклийәлмәйдиған һәқиқий кишиләргә қаритиштур. Чүнки, улар олимпикни өткүзгән һөкүмәт тәрипидин адаләтсиз түрмигә ташланған. Биз көпчиликниң бирлишип, хәлқара олимпик комитети вә униң шериклирини хитай һөкүмитигә бесим ишлитип, бу виҗдан мәһбуслирини қоюп беришини, уларниң олимпик роһиға чаплиған дағни азайтишини үмид қилимиз".

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт