Xitay “Intérpol” ning dolqun eysani tizimliktin chiqiriwétishidin narazi boldi

Muxbirimiz ümidwar
2018.02.25
Share on WhatsApp
Share on WhatsApp

Roytérs agéntliqining xewer qilishiche, xitay hökümiti xelq'ara saqchi teshkilati “Intérpol” ning dunya Uyghur qurultiyi re'isi dolqun eysaning ismini qizil uqturush tizimlikidin chiqiriwétishige naraziliq bildürgen.

Xitay tashqi ishlar ministirliqi shenbe, yeni 24-féwral küni bayanat élan qilip, intérpolning dolqun eysani qizil uqturush tizimlikidin chiqiriwetkenlikige qarita: “Xitay intérpolgha dolqun eysani qizil uqturushtin chiqiriwetkenlikige naraziliq bildüridu, dolqun eysa xitay hökümiti teripidin békitilgen térrorchi” dégen shuningdek yene xitay hökümitining “Bu mesilide intérpol bilen dawamliq alaqe ornitidighanliqi” ni bildürgen. 

2006-Yilidin buyan gérmaniye puqraliqidiki dolqun eysa, xitay hökümiti teripidin “Térrorluq tizimliki” ge we xelq'ara saqchi teshkilatining tizimlikige kirgüzülgen bolup, uning bir qisim döletlerdiki xelq'araliq yighinlargha qatnishishi we ziyaretliri tosqunluq hem awarichiliklerge uchrighanidi.

Kishilik hoquq teshkilatliri “Intérpol” we uning qizil uqturush tizimlikini tenqidlep, xitayning intérpolni suyi'istémal qilishigha, Uyghur siyasiy rehberlirige zerbe bérishige yol qoymasliqini telep qilghanidi.

Roytérsning xewiridin qarighanda, 23-féwral küni, en'gliyediki “Adil sotlinish” namliq xelq'ara kishilik hoquq teshkilatining ashkarilishiche, xelq'ara saqchi teshkilatining ijra'iye diréktori jago russél dolqun eysaning ismining tizimliktin chiqirip tashlan'ghanliqini delilligen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.