Долқун әйсаниң “хитайниң әркинлик тозиқи” намлиқ китаби нәшр қилинди

Мухбиримиз җәвлан
2022.08.08
Share on WhatsApp
Share on WhatsApp

Дуня уйғур қурултийиниң рәиси долқун әйсаниң вәтән ичи вә чәт әлдики сиясий күрәш һаяти тема қилинған “хитайниң әркинлик тозиқи” намлиқ китаби һиндистанниң һарананд нәшрияти тәрипидин нәшир қилинған.

Долқун әйса 8-авғуст күни өзиниң тиветтер һесабида бу китаби һәққидә мундақ дәп язған: “бу китаб мениң өз кәчмишлиримгә асасән йезилди; буниңдики мәқсәт, кишиләрни хитай коммунистик партийәсиниң хәтиридин һушяр болушқа үндәш. Гәрчә мән әркин дуняда яшаватқан болсамму давамлиқ адаләтсизликләргә учрап кәлдим; әркинликим тартивелинди, ғурурум дәпсәндә қилинди, тутулдум, соал-сорақ қилиндим”.

Долқун әйса әпәндиниң ейтишичә, бу китабта униң 80-йиллардин башлапла вәтән ичи вә сиртида елип барған сиясий күрәш һаяти, чәт әлдики әркин, демократик дуняда яшап турупму хитайниң хилму тәһдит вә чәкләшлиригә учриғанлиқини, хитайниң 1997-йилдин башлапла интерпол (хәлқара сақчи тәшкилати) арқилиқ өзигә қанчә қетимлап қара қолини созғанлиқи вә бу җәрянда америка, корийә, италийә, һиндистан, түркийә қатарлиқ дөләтләр билән хитай оттурисида йүз бәргән дипломатик күрәшләр тәпсилий баян қилинған.

Долқун әйса мундақ дәйду: “бу китабта хитайниң явропадәк әркин дуняда яшаватқан маңила әмәс, маңа охшаш көплигән уйғурларни өз чаңгилиға елишқа, чәкләшкә вә зиянкәшлик қилишқа урунүп кәлгәнликини, әмма униңға қарши бошашмай күрәш қилғандила нәтиҗә қазанғили болидиғанлиқини көрситишкә тириштим”.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.