Өзбек генерал достум талибан күчлиригә қарши америкидин ярдәм сориған

Мухбиримиз шөһрәт һошур
2016.10.19
Share on WhatsApp
Share on WhatsApp

Америка авази радийосиниң бүгүн хәвәр қилишичә, афғанистанниң фәряп вилайитидә талибанға қарши уруш қиливатқан өзбек генерал вә муавин президент абдурешит достум, талибан күчлириниң арқисида пакистан армийисиниң мәвҗутлуқини илгири сүрүп, америка тәрәптин ярдәм тәләп қилған.

У сөзидә, америкиниң афғанистанни талибан күчлиридин азад қилип бәргәнликини вә афған армийисини тәрбийиләп бәргәнликини тилға алғандин кейин, нөвәттики вәзийәттә афған армийәсини қорал билән тәминлишини тәләп қилған.

Хәвәрдә дейилишичә, нөвәттә фаряп теғи әтрапидики талибан әскәрлириниң сани 5000 әтрапида болуп, булардин икки миң нәпири нөвәттә достум қоманданлиқ қиливатқан фаряпниң қормуч әтрапида һәрикәт қилмақта икән.

Мәлум болушичә, талибан күчлири 17 ‏-өктәбир күни фаряп айродроми вә һәрбий газармиға һуҗум қилған. Һуҗум достум армийиси тәрипидин арқиға чекиндүрүлгән. Бу җәрянда афғанистанда достумниң уштумтут һуҗумға учриғанлиқи вә һуҗумда өлгәнлики һәққидә хәвәрләр тарқалған, достум бүгүн мухбирларға қилған сөзидә мәзкур һуҗумда 15 әскәрниң өлгәнликини ашкарилиған.

1980 ‏-Йиллардин башлап һаяти җәң мәйданлирида өткән абдурешит достум 2014 ‏-йили афғанистанниң муавин президентлиқ тәхтигә олтурған. Талибан күчлири қайта җанлиниши билән достум йәнә бир рәт уруш сепиниң алдиға атланған.

Көп көрүлгән хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.