“Heptilik xewerler”: dubeydiki kilimat özgirishi bashliqlar yighinida Uyghur mejburiy emgiki mesilisi otturigha qoyulushi kérek

Washin'gtondin muxbirimiz uyghar teyyarlidi
2023.12.01

Amérikaning “Heptilik xewerler”  (Weekly News) torining 12-ayning 1-küni ekrem kérem namida élan qilin'ghan maqalide, dubeyde birleshken döletler teshkilati uyushturghan “Kilimat özgirish bashliqlar yighini” da xitayning kishilik hoquq depsendichiliki we Uyghur mejburiy emgikini kün tertipke élip kélish we bu kirizisini hel qilish kérekliki alahide tekitlen'gen.

Maqalide dunyaning her qaysi jayliridiki kilimat özgirishige köngül bölidighan rehberler kilimat kirizisining kishilik hoquq kirizisi bilen zich munasiwetlik  ikenlikini chüshinishi kérekliki déyilgen hemde xitayning  bazargha séliwatqan pakiz énérgiyesining arqisidiki mejburiy emgek setchiliki qayta tilgha élin'ghan. 

Maqalida mundaq déyilgen: “Xitay shirketliri hökümetning küchlük qollishi bilen, mejburiy emgekni öz ichige alghan kishilik hoquq depsendichiliki bedilige yéshil énérgiyede dawamliq bashlamchi boluwatidu. Xitaydiki 30 din artuq shirket mejburiy emgekke chétishliq dep qara tizimlikke kirgüzüldi. Kilimat özgirishige köngül bölidighan rehberler mejburiy emgek bilen alaqisi yoq pakiz énérgiyeni tewsiye qilishini telep qilishi kérek”.

 Maqalining axirida, kishilik hoquq bilen kilimat özgirishi otturisida soda bolmasliqi kérekliki, kilimat hemkarliqi bilen kishilik hoquqni qollash otturisida toqunush bolmaydighanliqi ilgiri sürülgen. Bolupmu xitay diktatori shi jinping we uning hökümiti Uyghur élide irqiy qirghinchiliqi élip bériwatqan mezgilde, mejburiy emgek we kishilik hoquq mesilisining kilimat diplomatiyesi we söhbitide kem bolsa bolmaydighan mesile ikenliki ilgiri sürülgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.