Дуня уйғур қурултийи америка, әнглийә, канаданиң уйғур мәҗбурий әмгикини чәкләш тәдбирлирини қарши алди

Дуня уйғур қурултийи баянат елан қилип, америка, әнглийә, канада һөкүмәтлириниң уйғурлар учраватқан еғир кишилик һоқуқ дәпсәндичиликигә қарши йеңи тәдбирләрни алғанлиқи, болупму ғәрб ширкәтлириниң уйғур мәҗбури әмгикигә иштирак қилишни чәклигәнликини қарши алидиғанлиқини билдүрди. Мәзкур тәшкилатниң 14-январ елан қилған язма баянатида тәкитлиншичә, "америка, әнгилийә, канаданиң алған йеңи тәдбирлири хәлқара җәмийәтниң хитай компартийәси билән әмди нормал алақә қилишиниң мүмкин әмәсликини етирап қилғанлиқини көрситидикән".

13-январ америка таможна-чегра қоғдаш идариси уйғур елидә ишләпчиқирилған пахта, пәмидур мәһсулатлирини чәклигән. Буниңдин бир күн аввал әнглийә ташқи ишлар министири доминик раб һөкүмәтниң йеңи бәлгилимә чиқирип, әнглийә ширкәтлириниң импорт мәһсулатлириға уйғур мәҗбурий әмгикиниң арилашмиғанлиқини испатлишини тәләп қилидиғанлиқини елан қилған. Охшаш бир күндә канада ташқи ишлар министири франшис филип шампәйинму канаданиң охшаш тәдбир қоллинип, уйғур мәҗбурий әмгәк мәһсулатлириниң канада базириға кириши, канада ширкәтлириниң мәҗбури әмгәккә иштирак қилишини чәкләйдиғанлиқини җакарлиғаниди.

Дуня уйғур қурултийи баянатида бу тәдбирләрни қарши алсиму, бирақ уйғурларға қарши ишлиниватқан җинайәткә хатимә бериш үчүн техиму кәскин тәдбирләрни елишқа тоғра келидиғанлиқини билдүргән. Баянатта мундақ дейилгән: "һалбуки, хитай һөкүмити йүз миңлиған уйғурни мәҗбури әмгәк вә башқа еғир кишилик һоқуқ дәпсәндичиликлиригә дучар қилишни давамлаштурғанчә, бу җинайәткә хатимә бериш үчүн тәхиму көп тәдбирләрни елишқа тоғра келиду". Баянатта тәкитлинишичә, явропа иттипақи хитай билән һасил қилған мәбләғ селиш келишимини кишилик һоқуққа бағлиши керәк икән.

Буни бесиш арқилиқ, пикриңизни йезиң

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар