Dunya Uyghur qurultiyi: "Yéngi deliller xitay kompartiyesining Uyghurlargha qarita irqiy qirghinchiliq sadir qiliwatqanliqini körsetmekte"

Dunya Uyghur qurultiyi 29-iyun küni bayanat élan qilip, xitayning Uyghurlargha qaratqan pilanliq tughut siyasiti heqqidiki yéqinda élan qilin'ghan bir yéngi doklat xitayning Uyghurlargha irqiy qirghinchiliq élip bériwatqanliqini deliller bilen teminligenlikini ilgiri sürdi. Bayanatta tekitlishiche, ataqliq tetqiqatchi adri'an zénz teyyarlighan bu doklat xitay kompartiyesining keng kölemde tughmasliq we nupusni kontrol qilish siyasiti arqiliq Uyghur xelqini kélechektin mehrum qoyuwatqanliqini konkrét pakitlar bilen teminligen iken.

Adri'an zénzning mezkur doklati lagérlarda yétip chiqqan shahitlarning guwahliqi we hökümetning resmiy höjjetlirige asasen teyyarlan'ghan. Dunya Uyghur qurultiyining bayanatida "Bu doklat Uyghur xelqige qaritilghan nopus kontrol siyasitning biwasite xitay hökümiti teripidin yolgha qoyulghanliqini körsitip berdi. U xitay kompartiyesining Uyghur xelqige qaratqan siyasitining irqiy qirghinchiliq ikenlikini, Uyghur xelqining mewjutluqini tosmaqchi bolghanliqini ashkarilap berdi," déyilgen.

Dunya Uyghur qurultiyi bayanatida yene xelq'ara jem'iyetning milyonlighan Uyghur lagérlargha qamilip, ularning tüp kishilik hoquqi we erkinlikidin mehrum qilin'ghanda, zawutlargha ewetilip mejburiy emgekke sélin'ghanda, dunya ellirining uninggha qarshi tedbir qollanmighanliqi tenqidlengen. Bayanatta: "Eger xelq'ara jem'iyet yene xitaygha taqabil turmisa, Uyghur xelqi pütünley yoqilishi mumkin. Biz buning yüz bérishige yol qoyalmaymiz. Xelq'ara jem'iyet her qétimliq wehshiliktin kéyin, emdi 'hergiz qaytilanmaydu' dep keldi, lékin ular zadi qachanni démekchi," dep körsitilgen.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar