D u q mejburiy emgekni toxtitish heqqide bayanat élan qildi

Muxbirimiz eziz
2020-04-01
Élxet
Pikir
Share
Print

Xitay hökümitining Uyghur diyarida mejburiy emgekni dawam qilduruwatqanliqi heqqide köpligen melumatlar otturigha chiqqandin buyan yawropa we amérikadiki herqaysi sahening küchlük tenqidlirige duch keldi.

Dunya Uyghur qurultiyi (d u q) mu 1-aprél küni mexsus bayanat élan qilip, "Xitay hökümiti Uyghur tutqunlarni mejburiy emgekke sélish qilmishini toxtitishi lazim," dep körsetti.

Bayanatta xitayning hemmila yérini wirus qaplap ketken ehwalda lagér tutqunlirining xitay ölkilirige yötkiliwatqanliqi, Uyghur yashlirining "Éshincha emgek küchi" dégen namda xitay ölkiliridiki wirus merkezliridin yiraq bolmighan zawutlargha ishleshke orunlashturulushi qatarliqlar eyiblinip, amérika hökümiti muzakire qiliwatqan "Uyghurlarni mejburiy emgekke sélishni cheklesh qanun layihisi" ning del mushu hadisige qarita otturigha chiqqanliqi körsitildi.

D u q ning re'isi dolqun eysa bu heqte toxtilip "Sherqiy türkistandiki Uyghurlar xitay hökümitining neziride at-éshekning ornida sétilmaqta. Emdi bu haletke xatime bérishning peyti keldi," deydu.

Bayanatning axirida xitay hökümitige xitab qilish bilen birge dunyawi shirketler Uyghurlarni ézish bedilige pütken mehsulatlarni sétiwalmasliqqa, herqaysi hökümetler Uyghurlarni mejburiy emgekke sélish qilmishigha shérik bolup qalmasliqqa chaqirildi.

Toluq bet