Әлҗәзирә түркийәгә кәлгән уйғурларниң тинчлиқ вә адаләт издигүчиләр икәнликини хәвәр қилди
2015.02.04
Хитайниң чәтәлгә қечиватқан уйғурлар һәққидики сәлбий тәшвиқатлири бир қисим мәшһур хәлқара ахбарат васитилириниң уйғур муһаҗирларға қарита диққәт-етибарини күчәйтти.
Әлҗәзирә мухбири өткән һәптә түркийәниң қәйсәри шәһиригә берип, у йәргә йеңидин маканлашқан уйғур муһаҗирларни зиярәт қилған. Әлҗәзирәниң түнүгүнки хәвиридә, уйғурларниң чәтәлләргә тинчлиқ вә адаләт издәп сәпәр қиливатқанлиқи асаслиқ тема қилинған. Хәвәрдә уйғурларниң еғир диний бесимға учраватқанлиқи, халиғанчә тутқун қилиниватқанлиқи мәзкур муһаҗирларниң кәчмишлири арқилиқ оттуриға қоюлған.
Хәвәрдә мәлум бир муһаҗирниң дадисиниң 10 йил түрмидә йетип чиққанлиқи, өзиниң қисқа вақит ичидә икки қетим қамақта ятқанлиқи, сақчиларниң назарити вә аваричиликидин бир күнму халий болалмиғанлиқи тилға елинған. Хәвәрдә йәнә, мәлум бир муһаҗирниң өз юртидин малайшияға 3 айда йетип кәлгәнлики, түркийәгә келиш үчүн йәнә бир йилдин артуқ күткәнлики, бу җәрянда бирқанчә сәпәрдишиниң йол үстидә һаятидин айрилғанлиқи баян қилинған.
Көп көрүлгән хәвәрләр
RFA
- Йүннән тоңхәй сақчи хадими: “мәсчит вәқәсигә четишлиқ кишиләр өзини мәлум қилса кәңчиликкә еришиду”
- Долқун әйса билән хитай баш әлчиси оттурисидики кәскин тартишма биразилийә мәтбуатлиридин орун алған
- Түркийә президент сайлимида рәҗәп таййп әрдоған утти
- Нури түркәл: “бу ирқий қирғинчилиқни тохтитиш американиң иқтисади вә хәвпсизликини қоғдаш үчүнму муһим”
- Д у қ вәкиллири латин америкаси дөләтлиридә уйғур ирқий қирғинчилиқини етирап қилдуруш паалийити башлиған