En'giliye hökümiti hökümet organlirida ishlitiliwatqan xitay kaméralirini almashturuwetmekchi bolghan

Muxbirimiz jewlan
2022.08.11

En'giliye hökümiti xitay shirketliri ishlepchiqarghan we Uyghurlarni nazaret qilishqa ishlitiliwatqan teqip-nazaret üskünilirini hökümet organlirida ishlitishni chekligen hemde ularni almashturuwetmekchi bolghan.

Bollyinside  Torining xewer qilishiche, en'giliye hökümiti Uyghurlarni basturushqa hemkarlashqan xeykang kaméra shirkiti (Hikvision) we daxu'a shirkitining en'giliye hökümet organlirigha ornitilghan kaméralirini almashturmaqchi bolghan. Bu kaméralar en'giliye dölet mudapiye ministirliki, ichki ishlar ministirliki, sehiye ministirliki, emgek we pénsiye ishliri ministirliki, edliye ministirliki we saqchi idarisigha ornitilghaniken.  

 En'giliye parlamént ezaliri xitay hökümitining dawamliq halda Uyghurlarni basturuwatqanliqi, dunyaning her qaysi jayliridiki hökümet organliri we tetqiqat orunlirigha singip kirishke urunuwatqanliqi, buninggha xitay shirketliri ishlepchiqarghan shu kaméralarning wasitiliq rol oynawatqanliqini eybligen.

Xewerde körsitilishiche, xeykang we daxu'a shirketlirining teqip-nazaret üskünilirige chiray tonush iqtidarliri seplen'gen bolup, Uyghur rayonidiki sheherler we yighiwélish lagérlirigha keng-kölemde ornitilghan. Bu shirketler Uyghur rayonidiki teqip-nazaret qurulushining 11 türi bilen hemkarlashqan bolup, sodilishish sommisi az dégende 1 milyard 200 milyon'gha yétidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.