En'gliye parlamént ezasi en'gliyeni Uyghur mejburiy emgikini chekleshke munasiwetlik qanun turghuzushqa chaqirghan

Washin'gtondin muxbirimiz irade teyyarlidi
2024.05.09

En'gliye parlamént ezasi alishiya kéyrnis (Alicia Kearns) xanim en'gliyeni Uyghur mejburiy emgiki bilen ishlepchiqirilghan mehsulatlarni chekleshke munasiwetlik tedbir turghuzup chiqishqa chaqirghan.

Alishiya xanim en'gliye parlaméntida qilghan sözide, amérikaning 2021-yili Uyghur mejburiy emgikige taqabil turush qanuni turghuzush arqiliq, Uyghurlarning qan-terini sümürüsh bilen bulghan'ghan mehsulatlarni chekligenlikini, yawropa ittipaqiningmu hazir mejburiy emgek mehsulatlirini chekleshke munasiwetlik bir qanun chiqirish aldida turuwatqanliqini eskertip, “Eger en'gliyemu derhal mushundaq import cheklimisi turghuzup chiqmaydighan bolsa, mejburiy emgek mehsulatlirini tökme qilip satidighan yerge (dumping ground) aylinip qalidu” dep eskertken.

U özining “X” tiki hésabida qilghan sözidimu, xitay igidarchiliqidiki “Kanada quyash énérgiyesi” namliq küntaxta shirkitining Uyghurlarning mejburiy emgiki bilen zich munasiwetlik ikenlikige da'ir toluq melumatlar bar turuqluq, en'gliyening bu shirketke özining muhim milliy énérgiye ul eslihelirini qurushigha yol qoyushini “Sarangliq” dep tenqidligen.

Alishiya kéyrnis xanim eskertip “Özimizning import kontrolluqi bolmisa, en'gliye dunyawi yüzlinishtin chetnep kétidu. Biz xelq'araliq shériklirimizning yétekchilikide méngishimiz we küntaxta teminlesh zenjirini jiddiy halda tazilishimiz kérek” dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.