Әнглийә-хитай сода мунасивити уйғурлар мәсилиси түпәйлидин җиддий чақириқларға дуч кәлмәктә

Хитайниң ташқи дуня билән болған импорт вә екиспорт содисидики муһим шериклиирдин бири әнглийә болуп, йеқинда бу җайдиму хитай билән болидиған екиспорт содисини қайта ойлиниш чақириқлири оттуриға чиқишқа башлиди.

“тез пойез” гезитиниң 12-июлдики хәвиридә ейтилшиичә, әнглийә парламентиниң әзаси алиса кернис мәзкур гезит билән болған сөһбәттә “биз әнглийәдин хитайға екиспорт қилинған үскүниләрниң уйғурларни бастуруш қилмишиға ишлитилишидин бәкму әнсиримәктимиз” дегән. Шуниңдәк борис җонсун башчилиқидики әнглийә һөкүмитини хитай билән болған екиспорт содисида бу нуқтиға капаләтлик қилишқа чақирған. У бу һәқтики сөзиниң давамида “һазир хитай һөкүмити йүзидики ниқабни йиртип ташлап ашкара һалда уйғурларни бастурушқа атланди. Бундақ әһвалда биз бу қабаһәтлик җинайәтләргә шерик болуп қалмаслиққа тиришишимиз лазим” дегән.

Хәвәрдә ейтилишичә, алиса кернис әнглийә һөкүмитини бу һәқтә үзел-кесил бир қетимлиқ тәкшүрүш орунлаштурушқа дәвәт қилған һәмдә мумкин болса хитай билән болидиған екиспорт содисиға хатимә беришни тәклип қилған.