En'gliye-xitay soda munasiwiti Uyghurlar mesilisi tüpeylidin jiddiy chaqiriqlargha duch kelmekte

Muxbirimiz eziz
2021-07-13
Share

Xitayning tashqi dunya bilen bolghan import we ékisport sodisidiki muhim shérikli'irdin biri en'gliye bolup, yéqinda bu jaydimu xitay bilen bolidighan ékisport sodisini qayta oylinish chaqiriqliri otturigha chiqishqa bashlidi.

"Téz poyéz" gézitining 12-iyuldiki xewiride éytilshi'iche, en'gliye parlaméntining ezasi alisa kérnis mezkur gézit bilen bolghan söhbette "Biz en'gliyedin xitaygha ékisport qilin'ghan üskünilerning Uyghurlarni basturush qilmishigha ishlitilishidin bekmu ensirimektimiz" dégen. Shuningdek boris jonsun bashchiliqidiki en'gliye hökümitini xitay bilen bolghan ékisport sodisida bu nuqtigha kapaletlik qilishqa chaqirghan. U bu heqtiki sözining dawamida "Hazir xitay hökümiti yüzidiki niqabni yirtip tashlap ashkara halda Uyghurlarni basturushqa atlandi. Bundaq ehwalda biz bu qabahetlik jinayetlerge shérik bolup qalmasliqqa tirishishimiz lazim" dégen.

Xewerde éytilishiche, alisa kérnis en'gliye hökümitini bu heqte üzél-késil bir qétimliq tekshürüsh orunlashturushqa dewet qilghan hemde mumkin bolsa xitay bilen bolidighan ékisport sodisigha xatime bérishni teklip qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet