Әнглийә парламенти уйғур "ирқий қирғинчилиқи" да мәсулийити бар хитай әмәлдарлирини җавабкарлиққа тартишни тәләп қилған

Мухбиримиз әркин
2021-05-28
Share

Әнглийә парламентиниң юқири палатаси 27-май дунядики "ирқий қирғинчилиқлар" һәққидә муназирә елип берип, әнглийә һөкүмитини уйғур "ирқий қирғинчилиқи" да мәсулийити бар хитай әмәлдарлирини җавабкарлиққа тартишқа, уларни җазалашқа чақирған. Бу әнглийә парламентиниң бу йил 22-апрел хитайниң уйғурларға тутқан муамилисини "ирқий қирғинчилиқ" дәп етирап қилғандин кейин тунҗи қетим бу қирғинчилиқниң садир қилғучилирини җавабкарлиққа тартишни муназирә қилишидур.

Йиғинда юқири палата әзаси лорд дәйвид алтон һөкүмәтниң бу мәсилидики позитсийәсини тәнқидләп, униң немә үчүн һазирға қәдәр чен чүәнгони җазалимиғанлиқиға соал қойған. У, имбаргониң "хоңкоң валиси кәри ләмгә йүргүзүлип, бирақ тибәтниң сабиқ партком секретари, һазирқи шинҗаң парткоминиң секретари чен чүәнгодәкләргә йүзгүзүлмәслики бәк ғәлитилик" дегән.

Юқири палата әзаси лорд җон бровен һөкүмәтниң "ирқий қирғинчилиқ" ни сот бәлгилисун, дегән майданини тәнқидләп, "русийә билән хитай рәт қилидиған әһвалда сиз буни сот қарар қилсун дейәлмәйсиз, чүнки, бу әһвалда һечқандақ сот бу делони көрүп чиқмайду" дегән.

Әнглийә һөкүмити хитайниң уйғурларни бастурушини қаттиқ тәнқид қилип, бу мәсилини һәр хил хәлқара сәһниләрдә оттуриға қоюп кәлгән болсиму, бирақ униң һәрикити йетәрлик әмәс, дәп қарилип, униң хитайға қарши техиму кәскин тәдбирләрни елиши, хитай әмәлдарлирини хәлқара җинайи ишлар сотиға тартишниң йолини қилиши тәләп қилинип кәлгәниди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт