Рәҗәп таййип әрдоған түрк хәлқини сүрийәлик мусапирларға қучақ ечишқа чақирди

Мухбиримиз җүмә
2013-05-25
Елхәт
Пикир
Share
Принт

Түркийә баш министири рәҗәп таййип әрдоған шәнбә күни сүрийә чеграсидики түрк йезиси рәйһанлини зиярәт қилип, түрк хәлқини сүрийәдин келидиған мусапирларға давамлиқ қучақ ечишқа чақирди.

Рәҗәп таййип әрдоған мундақ деди: моһтаҗлиқта қалған қериндашлиримизға ярдәм қилишимиз керәк. Улар бизгә ишәнгәнлики үчүн бу йәргә кәлгән.

Мәзкур йезида 11 - май партлаш йүз берип, 51 адәм өлгән вә 100 йеқин адәм яриланған иди.

Түркийә даирилири мәзкур һуҗумни әсәд һөкүмитигә садиқ бир радикал тәшкилати қилғанлиқини илгири сүргән болса, сүрийә буни рәт қилған.

Бу һуҗум түркийә хәлқидә сүрийәликләргә нисбәтән өчмәнлик пәйда қилған.

Нәтиҗидә рәйһанлидики бир қисим сүрийиликләр һуҗумға учриған, машинилири уруп - чеқилған иди.

Әрдоған мундақ деди: халиса һечким өз өйидин айрилмас иди. Шуңа биз қериндашлиримизға қучиқимизни кәң ечишимиз керәк.

Әрдоған йәнә сүрийә хәлқигиму сигнал берип: қозғилаңчи күчләр бу диктаторни чоқун ағдуриду, деди.

Әсәд һөкүмити өз хәлқи үстидики қанлиқ бастурушни тохтамиғадин кейин, түркийә сүрийә билән болған барлиқ дипломатик мунасивәтлирини үзгән иди.

Пикирләр (0)
Share
Толуқ бәт