Түркийә баш министири вашингтонда обама билән көрүшүп сүрийә мәсилисини музакирә қилди

Мухбиримиз меһрибан
2013-05-16
Share

Түркийә баш министири рәҗәп таййип әрдоған 16-май пәйшәнбә күни ақсарайда америка президенти барак обама билән көрүшүп, сүрийә мәсилисини музакирә қилди.

15-Май чаршәнбә күни бирләшкән дөләтләр тәшкилати сүрийә мәсилиси һәққидә йеңи қарар елип, сүрийәниң сиясий қурулмисида әң тез муддәт ичидә өзгириш елип беришни тәләп қилған һәмдә бәшәр асад һөкүмитиниң өктичи күчләрни бастурушта еғир қоралларни ишләткәнликини әйиблигән иди. 15-Май күнидики қарар бирләшкән дөләтләр тәшкилатиға әза дөләтләрдин 107 дөләт вәкилиниң қошулуши, хитай, русийә қатарлиқ 12 дөләт вәкилиниң рәт қилиши, 59 дөләт вәкилиниң ваз кечиши билән тәстиқланған иди.

Америка авазиниң хәвиридин мәлум болушичә, түркийә баш министири рәҗәп таййип әрдоған билән америка президенти барак обаманиң сөһбитиниң тәпсилати техи елан қилинмиған болсиму, әмма ақсарай баянатчиси җей карний бу икки рәһбәр сүрийәниң өткүнчи мәзгилидики мәсилиләрни музакирә қилидиғанлиқини билдүргән. Ақсарай баянатчиси җей карний йәнә түркийә баш министири әрдоғанниң бу қетимқи америка зияритидә американиң муавин президенти байдин вә дөләт ишлири министири керий қатарлиқлар биләнму көрүшидиғанлиқини билдүргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт