Türkiye erdoghanning Uyghur diyari heqqide qilghan sözining "Xata terjime" qilinip qalghanliqini ilgiri sürdi

Muxbirimiz sada
2019-07-23
Élxet
Pikir
Share
Print

Xitay taratqulirining xewerliri boyiche türkiye prézidénti rejep tayyip erdoghan 2-iyuldiki xitay ziyaritide Uyghur diyaridiki xelqlerning bextlik yashawatqanliqini bildürgen idi. Halbuki, yéqinda türkiye diplomatliri uning bu sözlirining "Xata terjime" qilinip qalghanliqini ilgiri sürgen.

"Jenubiy xitay etigenlik géziti" ning 22-iyuldiki xewirige qarighanda, türkiyening béyjingda turushluq elchixanisining diplomatliri ötken hepte yépiq yighin achqan. Yighinda türkiye taratqulirining rejep tayyip erdoghanning Uyghur diyari heqqide qilghan sözlirini xitay hökümet taratqulirining "Xata terjime" qilip qollan'ghanliqini bayqighanliqi bildürülgen. Halbuki, xitay terepning buni tüzitishni ret qilghanliqi melum.

"Shinxu'a tori" diki xewerde rejep tayyip erdoghanning Uyghur diyaridiki xelqlerning intayin bextlik yashawatqanliqini éytqanliqi bayan qilin'ghan. Halbuki, türkiyediki munasiwetlik xadimlar rejep tayyip erdoghanning eslide "Türkiye shinjang xelqining xatirjem we xushal-xuram yashishini ümid qilidu," dégenlikini ilgiri sürgen.

Bu yil féwralda türkiye tashqi ishlar ministiri chawush'oghlu xitayning Uyghurlargha tutqan mu'amilisini "Insaniyliqtiki büyük ongaysizliq" dep teswirligen hemde Uyghurlar mesiliside éghiz achqan birdinbir musulman döliti bolup qalghan idi. Emma bu qétim erdoghanning xitaydiki ziyaritide xitay siyasitini maxtap söz qilishi we türkiyening ilgiriki meydanidin yéniwélishi közetküchilerning diqqitini qozghidi.

Közetküchiler, türkiye her qétim Uyghur mesiliside xelq'ara bésimlargha duch kelgende ilgiriki meydani we pozitsiyesini özgertish arqiliq bésimdin qutulushqa urunup kelgenlikini ilgiri sürmekte.

Toluq bet