Muxbirlarni qoghdash komitéti erkin tursunning qoyup bérilishini telep qilghan

Muxbirimiz jewlan
2021-04-20
Share

9-Aprél küni xitay da'iriliri 2018-yil tutulup ketken téléwiziye muxbiri erkin tursunning widiyosini körsetken bolup, xitayning teshwiqati üchün sözleshke mejbur bolghan erkin tursun héch bolmighanda özining hayat ikenlikidin uchur bergenidi.

Yéqinqi mezgildin buyan xitayning xelq'ara bésimgha qarshi teshwiqat urushi qanat yaydurup, bednam-töhmetler bilen tutulghanlarni guwahliqqa tartip, yalghan pakit oydurup özini aqlashqa urun'ghanliqi köplep ashkariliniwatqan bolup, erkin tursunningmu "Milliy öchmenlik we milliy kemsitishke qutratquluq qilghanliq jinayiti" tüpeylidin 20 yilliq késilgenliki, "Öz aghzi bilen jinayitini iqrar qilip, özini özgertip hökümetning kengchilikige érishmekchi bolghanliqi" teshwiq qilin'ghan.

19-Aprél muxbirlarni qoghdash komitéti, xitay da'irilirining erkin tursunni derhal qoyup bérishi, bundaq axbarat xadimidin yalghan teshwiqat üchün paydilanmasliqi kéreklikini bildürgen. Mezkur komitét asiya ishliri bölümining maslashturghuchisi stéwin batlir mundaq dégen: "Xitay hökümitining erkin tursundek bir muxbirni tutup, uningdin teshwiqat üchün paydilinishi nahayiti qebih we rezil usuldur. Xitay eger insanperwer bolalisa, erkin tursun we bashqa muxbirlarni derhal qoyup bérishi, ularning a'ile ezalirini parakende qilishni toxtitishi kérek".

Muxbirlarni qoghdash komitéti xitay tashqi ishlar ministirliqi we xitay yer shari téléwiziye qanili (CGNT) gha bu heqte xet yazghan bolsimu héchqandaq jawab alalmighan. Mezkur komitétning ötken yil 1-dékabir élan qilishiche, xitayda tutqun qilin'ghan muxbirlar 47 ge yetken bolup, xitay bu yilimu dunya boyiche muxbirlar eng köp qamalghan nachar dölet hésablan'ghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet