Әркинлик сарийи: хитай террорлуқни баһанә қилип, тинч уйғур өктичилирини бастурди

Мухбиримиз әркин
2015-01-28
Share

Әркинлик сарийи чаршәнбә күни доклат елан қилип, 2014‏-йили дуняда демократийә, әркинлик әһвали интайин начар әһвалға чүшүп қалғанлиқини билдүрди. Доклатта көрситишичә, хитай өткән йили террорлуқни баһанә қилип, тинч уйғур өктичилирини давамлиқ бастурған.

Доклатта мундақ дәйду, “венисуелада николас мадора һөкүмити сиясий өктичиләрни террорчи дәп түрмигә ташлиди. Кенийәдә даириләр аммиви тәшкилатларни сомалидики қораллиқ күчләргә бағлап чәклиди. Хитай террорлуқни баһанә қилип, тинч уйғур өктичилирини вә тор қолланғучиларни еғир қамақ җазалириға мәһкум қилди. Муддәтсиз қамақ җазасиға һөкүм қилинған уйғур зиялийси илһам тохти мана шуларниң җүмлисидур.”

Әркинлик сарийиниң доклатта көрситишичә, 2014‏-йили демократийә, әркинлик “еғир” әһвалға дуч кәлгән. Хели зор сандики иқтисади күчлүк әлләр вә район характерлик чоң дөләтләрдә демократийә арқиға чекинип, сөз әркинлики тәһдиткә учриған. Дөләтниң тәқиб қилиши, торға чәклимә қоюши күчийип, шәхсләрниң маарип тәрбийиси, хизмәткә орунлишиш, саяһәт қилиш қатарлиқ ишларда қарар қилиш әркинлики қисилған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт