"Erkinlik sariyi" shi jinping diktatoriliqidiki xitayda démokratiyeni ilgiri sürüsh témisi boyiche mexsus söhbet uyushturdi

Muxbirimiz qutlan
2018-06-06
Élxet
Pikir
Share
Print

Amérikidiki "Erkinlik sariyi" bügün, yeni 6-ayning 6-küni mexsus söhbet uyushturup, shi jinpingning hakimmutleq hökümranliqi astidiki xitayda qandaq qilip démokratiye we erkinlikni ilgiri sürüsh mesilisini muhakime qildi.

"Erkinlik sariyi" ning bügünki mexsus söbitige amérikidiki Uyghur kishilik hoquq qurulushining tetqiqatchisi zubeyre shemsidin xanim, erkin tibet oqughuchilar teshkilatining ijra'iye re'isi dorji sétén, teywen musteqilliq herikitining aktipliridin lin féyfen we xongkongluq siyasiy pa'aliyetchilerdin jéfréy nigo qatarliq 4 kishi teklip qilindi.

"Erkinlik sariyi" ning bügünki mexsus söhbitige "Heriket rehberliri shi jinpingning hakimmutleq hökümranliqidiki xitayda erkinlik we démokratiyeni himaye qilish heqqide muhakime yürgüzdi" dep mawzu qoyulghan.

Bügünki söhbet harpisida radiyomiz ziyaritini qobul qilghan zubeyre shemsidin xanim özining "Bügünki sherqiy türkistanda némiler boluwatidu" dégen témida söz qilidighanliqini bildürdi.

Zubeyre xanim yene özige bérilgen söz pursitide Uyghur diyaridiki lagérlar heqqide nuqtiliq pikir bayan qilidighanliqini, yeni bir milyondin artuq Uyghurning qamalghanliqi ilgiri sürülüwatqan "Terbiyelesh lagérliri" ning ich yüzi, lagérlarda hayatidin ayriliwatqan bigunah kishiler we xitayning Uyghur diyarida yürgüzüwatqan pilanliq we qedem basquchluq étnik tazilash herikiti heqqide tepsiliy uchur béridighanliqini bildürdi.

Toluq bet