Йопурға наһийәсидин шәндуң өлкисигә берип ишләватқан "ешинча әмгәк күчлири" 2000 дин ашқан

Мухбиримиз қутлан
2016-07-25
Share

Игилинишичә, уйғур аптоном районидин хитай өлкә, шәһәрлиригә коллектип йөткәп кетиливатқан аталмиш "ешинча әмгәк күчлири" күнсайин көпийиватқан болуп, уларниң мутләқ көп қисми җәнубтики 3 вилайәт, бир областтин сәпәрвәр қилинған уйғур яшлири икән.

Тәңритағ ториниң илгири сүрүшичә, қәшқәр вилайитиниң йопурға наһийәсидинла шәндуң өлкисигә елип берилған "ешинча әмгәк күчлири" 2000 дин ашқан болуп, улар җинән, чиңдав қатарлиқ шәһәрләрдики тоқумичилиқ, кийим-кечәк, електронлуқ буюмлар вә йемәклик саһәсидики карханиларға орунлаштурулған икән.

Әҗәблинәрлики шуки, уйғур елидики йәрлик милләттин болған яшлар "ешинча әмгәк күчи" намида хитай өлкилиригә йөткәп кетиливатқан бир пәйттә, хитай өлкилиридики алий мәктәп пүттүргән хитай яшлири уйғур елиға җәлп қилинмақтикән.

"шинҗаң иқтисад гезити" ниң хәвәр қилишичә, бу йилниң өзидә хитай өлкилиридики алий мәктәпләрни пүттүргән 1800 нәпәр яш "ғәрбий қисимға ярдәм бәргүчи студентлар пилани" дегән лайиһә бойичә уйғур аптоном районидики иш орунлириға җәлп қилинған икән.

Даириләрниң уйғур аптоном районидики уйғур яшлирини "ешинча әмгәк күчи" сүпитидә хитай өлкилиригә йөткиши вә хитай яшлирини "ғәрбий қисимға ярдәм бериш" намида уйғур аптоном райониға җәлп қилиши дуня уйғур қурултийини өз ичигә алған хәлқарадики тәшкилатларниң күчлүк тәнқидигә дуч кәлмәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт