Gu'angjuda ötküzülgen exlet zawudi qurushqa naraziliq bildürüsh namayishigha 20 ming kishi qatnashti

Muxbirimiz méhriban
2013-07-19
Share

Bügün19-iyul küni gu'angju xu'adu rayonidiki 10 mingdin artuq sheher ahalisi namayish ötküzüp, xu'adu rayonida qurulmaqchi bolghan exlet bir terep qilish zawudi qurulushigha naraziliq bildürdi. Radi'omiz igiligen ehwallardin melum bolushiche, namayishning dawami saqchilar bilen namayishchi amma arisidiki toqunushqa aylinip,köp adem yarilan'ghan.

Gu'angju xu'adu rayoni ahalilirining hökümetning exletlerni bir terep qilish zawudi qurulushigha naraziliq bildürüsh namayishi 15-iyul düshenbe küni bashlan'ghan bolup,melum bolushiche 19-iyul jüme küni etigen sa'et 9 da bashlan'ghan naraziliq namayishigha texminen 20 mingdek gu'angju ahalisi qatnashqan. Sheherlik hökümet weziyetni kontrol qilishqa toluq qorallan'ghan saqchi,eskerlerni ewetken bolup, 19-iyul chüshtin kéyin sa'et 6 ler etrapida saqchilar namayishchilarni mejburiy tarqitiwétish jeryanida bir kishi ölgen.

Nöwette, xitay sheherliride exletlerni birterep qilish mesilisi jiddiy mesilige aylan'ghan bolup, birleshme seher géziti hemde chet'el metbu'atliri 18 ‏- iyul küni xitayning 30% tin artuq sheherliri exlet döwisining qorshawida qalghanliqini xewer qilghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet