Филиппин даирилири хитайниң тәвәлик өктәмликигә тақабил туруш үчүн қәдимий хәритиләрни көрсәтмәкчи

Мухбиримиз җүмә
2014-09-13
Share


Мәлуматларға қариғанда, филиппин даирилири хитайниң деңиз тәвәлики мәсилидики өктәмликигә тақабил туруш үчүн қәдимий хәритиләрни ишқа селишқа башлиған.

“филиппин гезити” ниң хәвәр қилишичә, хитай даирилири филиппин өзиниң, дәп қарап келиватқан бир қисим деңиз тәвәсиниң хитайға тәвә икәнликини испатлайдиған хәритиләрни ишлитип, гепини ақтурушқа тиришқан.

Филиппин даирилириму нөвәттә хитай талишип келиватқан дениңиз тәвәликиниң өзигә мәнсуп икәнликини испатлайдиған қәдимий хәритидин 60 парчә тәйярлиған.

Буларниң ичидә бәзилири 1136 - йиллири, йәни җәнубий соң сулалиси дәвригә тоғра келидикән.

Хитай даирилири җәнубий деңиздики спратил тақим араллириниң өзлиригә тәвә икәнликидә чиң туруп, мәзкур мәсилидә филиппин билән йирикләшкән вә филиппингә бесим ишләткән.

Хитай тәрәп бу араллар гурупписиниң әзәлдин өзигә тәвә икәнликини илгири сүрүп, һәтта өзиниң мәйданини аталмиш қәдимий хәритиләр билән испатлашқа урунған иди.

Филиппин даирилириниң илгири сүрүшичә, филиппин қолидики тарихий хәритиләр хитай көрсәткән “тарихий испатларни йәргә қаритип” қойидикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт