Xitay firansiye muxbiri ursulagha 31-dékabirdin ilgiri xitaydin ayrilishni uqturghan

Muxbirimiz méhriban
2015.12.25
Share on WhatsApp
Share on WhatsApp

Firansiyediki “Lobs” heptilik zhurnilining béyjingda turushluq muxbiri ursula gotiyir xanim 25-dékabir küni firansiye radi'osining ziyaritini qobul qilip, xitay tashqi ishlar ministirliqining 25-dékabir uninggha téléfon arqiliq uqturush qilip, 2015-yil 31-dékabirdin ilgiri xitaydin ayrilishini uqturghanliqini bildürdi.

Ursula yene özining ilgiri élan qilghan maqalisi üchün ashkara kechürüm sorashni ret qilghanliqi seweblik, xitay terepning uning wizisini yéngilap bérishni ret qilghanliqini bildürdi.

Ursula bu yil 1-ayning 18-küni élan qilghan maqaliside, xitay hökümet da'irilirining 13-noyabir yüz bergen “Parizh térrorluq weqesi” ni Uyghur aptonom rayonidiki qarshiliq weqelirige baghlighanliqini tenqidligenliki we“18-Séntebir bay weqesi” ni “Uyghurlarning hökümetke bolghan naraziliqi sewebidin yüz bergen qarshiliq herikiti” dep yazghanliqi üchün xitay hökümet taratqularda hujumgha uchrighan.

Xelq'araliq muxbirlarni qoghdash komitéti 24-dékabir bayanat élan qilip, xitay hökümitining muxbirlargha qiliwatqan bésimining küchiyiwatqanliqini tenqid qilip, xitayni derhal firansiye muxbiri ursula gutiyirning wizisini yéngilap bérishke chaqirghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.