Firansiye xitayning Uyghurlargha yürgüzüwatqan zulumlirining xaraktérini békitish aldida iken

Muxbirimiz irade
2021-04-01
Share

Firansiye hökümiti xitay hökümitining Uyghur élida "Irqiy qirghinchiliq" sadir qilghan yaki qilmighanliqini békitish aldida iken.

Firansiye tashqi ishlar ministiri zhan yiwés lédri'an yéqinda "Frans'info radiyosi" ning ziyaritini qobul qilghanda firansiyening Uyghurlargha yürgüzülüwatqan zulumning xaraktérini békitishke teyyarliqini bildürgen. U sözide "Bu atalghu bir qanuniy atalghu. Shunga aldi bilen bu heqte tekshürüsh yürgüzülüshi kérek, biz bu atalghuni békitish muzakirilirige teyyar" dégen.

Amérika hökümitidin kéyin, kanada we gollandiye qatarliq döletlerning parlaméntliri xitayning Uyghurlargha yürgüzüwatqan zulumini irqiy qirghinchiliq, dep békitken idi. Eger firansiye buninggha qoshulsa, bu xitayning Uyghurlargha qiliwatqan zulumini irqiy qirghinchiliq, dep tonughan 4-dölet bolup qalidiken.

Firansiye tashqiy ishlar ministiri zhan yiwés lédri'an yuqiriqi radiyogha qilghan sözide yene b d t kishilik hoquq aliy komissari mishél bachélétni Uyghur élida musteqil tekshürüsh yürgüzüsh telipini yéngilashqa chaqirghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet