Явропа парламент әзалири фирансийәниң хитай билән болған җинайәтчи алмаштуруш келишимини тоңлитишни тәләп қилди

Мухбиримиз әркин
2021-04-30
Share

Явропа парламентиниң 5 нәпәр әзаси 28-апрел фирансийәниң явропа иттипақида даимий турушлуқ вәкили филип леглис костаға хәт йезип, франсийәниң хитай билән болған җинайәтчи алмаштуруш келишимини тоңлитишни тәләп қилған. Бу хәтни явропа парламентиниң әнгин әроғлу, мириям лекисман, реһинхарт бүтикофер, рафаел глукисман, анна фотига қатарлиқ әзалири язған.

Улар хетидә, хитайниң хоңкоң бихәтәрлик қануни мақуллап, хоңкоңниң алаһидә орниға вә хитай-әнглийә қошма ахбаратиға бузғунчилиқ қилғанлиқи, фирансийәниң бу тәрәққиятни нәзәрдә тутуп, хитай билән имзалиған җинайәтчи алмаштуруш келишимини тохтитишини үмид қилидиғанлиқини билдүргән.

Уларниң хетидә йәнә: "явропа парламентиниң 2020-йили 17-декабир мақулланған шинҗаңдики уйғурларниң вәзийити һәққидики қарари, шуниңдәк 2021-йили 21-январда мақуллиған хоңкоң өктичилириниң бастурулуши һәққидики қарарида биз явропа иттипақиға әза бәзи дөләтләрниң вә башқа хәлқара шериклиримизниң хитай билән болған җинайәтчи алмаштуруш келишимлирини қарши алған шундақла башқа әза дөләтләрни буниңға әгишишкә чақирған. Биз уйғурларниң, хоңкоң гиражданлириниң тибәт яки явропадики хитай өктичилириниң ( хитайға) қайтурулушиниң алдини елишимиз керәк" дейилгән.

Уларниң агаһландурушичә, әгәр бу кишиләр хитайға қайтурулса сиясий сотлаш, қийин-қистақ, узун йиллиқ қамақ қазаси, һәтта өлүм җазасиға учрайдикән. Улар хетидә фирансийәниң вәзийәтни қайта мөлчәрләп, хитайға қайтурушни тохтитиши, явропаниң ортақ қиммәт өлчимигә әмәл қилипла қалмай, хоңкоңлуқлар, уйғурлар, тибәтләр вә явропани макан тутқан хитай демократлириға һәмдәмдә болушини тәләп қилған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт