Американиң сабиқ ташқи ишлар министири җон керри мәҗбурий әмгәк мәсилисини етирап қилған

Байден һөкүмитиниң хитайға әвәткән һава килимат әлчиси җон керри чаршәнбә күни (12-май) дөләт мәҗлиси йиғинида мәҗбурий әмгәк мәсилисиниң пүтүн йәршари пакиз енергийә тәминлә линийәсигә қийинчилиқ туғдуруватқанлиқини, американиң хитайдин ибарәт бу кишилик һоқуқ дәпсәндичиси дөләттин хам әшя елиш содисини мурәккәпләштүрүветидиғанлиқини ейтқан.
Америка авам палатаси ташқи ишлар комитетида испат бәргән җон керри, "хитайдики ирқий қирғинчилиқ һава килимат келишиминиң имзалинишиға тосқунлуқ қилмаслиқи керәк" дегәндәк гәплири һәмдә дунядики 80 пирсәнт қуяш енергийәси тахтисиниң хитайда ясилидиғанлиқи вә буниң бир қисминиң шинҗаңда уйғурларни қул қилип ишлитиш арқилиқ ишләпчиқиридиғанлиқи һәққидики соалларға җаваб берип, хитайдики қул әмгикиниң пакиз енергийә базирини җанландуруватқанлиқини етирап қилған.
Хәвәрдә ейтилишичә, җон керри хитайниң уйғурларни қул орнида ишлитип қуяш енергийәси тахтиси ишләпчиқириватқанлиқини етирап қилған болсиму, уйғурларниң ирқий қирғинчилиққа учраватқанлиқини очуқ ейтмай кәлгән. Бу қетимму у байдин һөкүмитиниң пакиз енергийә мәнбәси билән тәминләш содисиниң мәҗбурий әмгәккә четилип қалмаслиқиға капаләтлик қилиши үчүн қандақ тәдбирләрни қоллинидиғанлиқиға аит соалларға җаваб бәрмигән.

Буни бесиш арқилиқ, пикриңизни йезиң

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар