Франсийәниң ниссе шәһиридики һуҗумға четишлиқ гумандардин йәнә икки киши тутқун қилинди

Нюйорк вақти гезитиниң йезишичә, франсийә сақчи тәрәп франсийәниң ниссе шәһиридә, 14 - июл франсийәниң дөләт байрими күни йүз бәргән йүк аптомобили билән адәмләрни бастуруп өлтүрүш һуҗум вәқәсини тәкшүрүш җәрянида вәқәни кәлтүрүп чиқарған тунислиқ моһәммәд болел билән алақиси бар дәп қаралған бир әр вә бир аялни тутқун қилди. Мәзкур һуҗум вәқәсидә 84 адәм һаятидин айрилған, 200 дин артуқ адәм яриланған иди.

Буниңдин башқа йәнә италийә сақчи тәрәпму франсийәниң ниссе шәһиридики һуҗумға қатнашқанлиқ гумани билән 5 кишини тутқун қилған.

Һазирғичә франсийә сақчи тәрәп җәмий 7 адәмни нисседики һуҗум билән мунасивәтлик дәп қолға алған болуп, буларниң ичидә моһаммад булелниң бурунқи аялиму бар икән.

Франсийә президент олланд нисседики һуҗумни “террорлуқ һуҗуми” дәп қариған болуп, даеш мәзкур һуҗумни садир қилғанлиқини зиммисигә алған.

Франсийә һөкүмити әслидин ахирлаштурмақчи болған җиддий һаләтни йәнә үч ай созидиғабнлиқини җакарлиған вә шәнбә күнидин етибарән үчүн мәмликәт бойичә матәм күни қили бекиткән.

Пүтүн франсийә бойичә көп санда һәрбий вә сақчи бихәтәрликни қоғдаш ишлириға җәлп қилинған.