Fujyen ölkisidiki tagh sirilish weqeside kop adem iz - déreksiz yoqaldi

Muxbirimiz ümidwar
2016-05-09
Share

Yekshenbe küni xitayning fujyen ölkisi senmin shehiri teyming nahiyisidiki bir qurulush nuqtisida tagh sirilish weqesi yüz bérip, éghir aqiwet kélip chiqqan.

Xitay hökümet metbu'atliri mezkur tagh sirilish weqesining shu jaydiki bir su éléktir istansisi qurulush nuqtisida yüz bergenlikini,iz - déreksiz yoqulup ketkenlerning sanining 41 ademge yetkenlikini bildürgen.

Shinxu'a agéntliqining yézishiche, ötken bir qanche kun ichide gu'angshi, xubéy qatarliq ölkiler qattiq yamghurning hujumigha uchrighan bolup, xitay hawa rayi istansiliri yekshenbe we düshenbe künliri xitayning jenubidiki yette ölke, jümlidin fujyen ölkisiningmu qattiq yamghurgha duch kélidighanliqini xewer qilghan bolup, bu rayonlar ahalilargha agahlandurush chiqarghan.

Xongkongning sumrugh téléwiziyesining yézishiche, fujenning teyning nahiyiside yüz bergen mezkur köp adem iz - déreksiz yoqulup, bir qisim adem yarilan'ghan tagh sirilish weqesi munasiwiti bile xitay dölet re'isi shi jinping fujyen ölkisige körsetme bérip, qutquzush ishlirini kücheytip, ölüm - yétim we yarilinishni azlitishni telep qilghan. U yene döletlik bixeter ishlepchiqirishni nazaret qilish hem bashqurush idarisini weqening sewebini éniqlashqa buyrughan.

Iz - déreksiz yoluqup ketken kishilerning belki lay - latqilar astida qalghanliqi perez qilinmaqta iken.

Mundaq tagh sirilip, bir qisim binalarning chöküsh we köp ademning ölüshi ötken yili 12 - ayda shénjén shehiride we 8 - ayda shenshi ölkisidimu yüz bergen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet