Японийә баш вәзири шинзо абе уйғур мәсилиси һәққидә ши җинпиңға еғиз ачқан

Мухбиримиз сада
2019-06-28
Елхәт
Пикир
Share
Принт

28-Июн японийәниң осака шәһиридә ечилған G20 йиғинидин бир күн аввал японийә баш вәзири шинзо абе хитай рәиси ши җинпиң билән көрүшкәндә уйғурлар мәсилисини тилға алған.

Хоңкоңда чиқидиған «алма хәвәрлири» ториниң 28-июндики хәвиригә қариғанда, шинзо абе уйғурлар мәсилисини оттуриға қоюштин бурун хоңкоңниң йәрлик һөкүмити елан қилған «қачқунлар низамиға түзитиш киргүзүш низами» һәққидә ши җинпиңға сөз қилған. У сөзидә «‹бир дөләттә икки хил түзүм' хоңкоңдики демократийәниң гүлләп яшнишида интайин муһим рол ойниған,» дегән. Буниңға улапла уйғурларниң нөвәттики әһвали һәққидә еғиз ечип, «кишилик һоқуқниң һөрмәт қилиниши бәкму муһим,» дегән.

Хәвәрдин мәлум болушичә, хитай тәрәп G20 йиғини мәзгилидә хоңкоң мәсилиси оттуриға чиқмайду, дәп ойлиған икән. Һалбуки, хоңкоң хәлқи елип барған «қачқунлар низамиға түзитиш киргүзүш низами» ға қарши намайиш хәлқарада зор тәсир пәйда қилғанлиқи үчүн, ши җинпиң бу темидин өзини қачуралмиған.

Ақсарайниң алий дәриҗилик мәслиһәтчиси келйәнни конвәй хоңкоңдики намайишқа инкас билдүргән вақитта америка президенти доналд трампниңму G20 йиғинида ши җинпиңдин бу мәсилини сориши мумкинликини билдүргән иди.

Пикирләр (0)
Share
Толуқ бәт